Mark Zuckerberg
Lalhruaitluanga Kawlni
Khawvel a changkang chho zel a, hmanlaia meipui leh kawlphe khawnvar, lehkhathawn leh zinna atan ke a kal, lawng leh sakawr te tawk mai thin kha Alexander Graham Bell, Thomas Alva Edison leh Wright Brothers te thil hmuhchhuah tel lo chuan kan awm thei ta lo. Zan khat thim pawh a hrehawm kan ti a, biakhlatna a tlang lohin kan buai a, khawchhiat avanga darkar khat lek Thlawhna a khaihlak pawhin khawvel a buai hman thin.Tunlai thang tharte ni khat pawh FACEBOOK tel lo a hrehawm tihtirtu Mark Zuckerberg hi tu nge a nih chiah le.
Juda chhungkua atangin kum 1984 May Ni 14 ah Dobbs Ferry, New York hmun ah a lo piang a. Apa chu Edward Zuckerberg (Dentist) a ni a, Anu chu Karen (Psychiatrist) a ni. Mark Zukerberg hi an fa hmingkoh a ni a, nau/farnu pathum Randi, Donna leh Ariclle te a nei. Tet te atanga Computer lam khawih nasa leh tuichilh tlat a ni. Apa in 1990 kum khan Atari Basic Programming a zirtir a, chuta tang chuan software “Zucknet” a tih mai massage in thawn tawnna a siam a. Apa sa siamna dawr an inbul ami ah pawh an hmang tangkai ve hle. In entir tur lokal leh kal loh awlsam takin an inhrilh chhawng a Receptionist tana tangkai tak a ni ve. A thiante nen computer games te an mahni in an siam(develop) thin a. A hnu a Mark-a sawi danin ‘Thian lemziah thiam taktak ka nei a, anlo leng a, an lem ziah hmang te chuan Computer game ka lo duang thin a ni” a ti. Chutiang taka Naupang danglam leh Computer thiamna lama chungchuang a nih avang chuan A nu leh pa ten computer zirtirtu tur (tutor) David Newman an ruai a, David Newman hian Kar khat ah vawi khat Mark a te Inah hian kal in a zirtir thin. Newman hian tunhnu a reporter te hnena a sawi leh dan in ‘khatiang tak a naupang talent nei tha han kaihruai kha chu a harsa khawp mai’ a ti.
Ardsley High School ah kal in chuta tang chuan Phillips Exeter Academy, New Hampshire ah zirna a chhun zawm zel a. Mark Zukerberg hi computer lam ah chauh ni lovin Literature lamah te pawh a tui hle thin a. A bikin classic lam ah a tui zual, Homer a Hlachammi “The Iliad” te pawh kha a chham thui thei fu a ni awm e. A college kalna tur application ah pawh English lo tawng dang aziak leh achhiar, a thiam zingah heng : French, Hebrew, Latin, leh Greek te hi a telh nghe nghe.
Chu mai chu ni lo in Phillips Exeter Academy a kal lai hian Fencing (Nghunhnam hmanga insual) ah te pawh tel thin in an school team Captain te hial a ni thin. Zuckerberg hian High school a kal lai in company pakhat Intelligent Media Group, hnuai ah music player “the Synapse” a tih mai asiam a PC Magazine( computer lam Magazine) chuan rating point.3 lai a pe nghe nghe.(A sang ber point 5 ah) Company lian tak tak Microsoft leh AOL ten a thil siam Synapse chu leisak a, amah Zuckerberg-a pawh chu training neia rawih chhunzawm ah an thlem a. Mahse chung thil te chu hnawl in Harvard a luh a thlang ta zawk a. kum 2002 september thla ah Harvard University ah chuan a in ziak lut (enroll) ta zawk a ni.
Harvard ah Sophomore year( US ah chuan 2nd year sawina) a nih meuh chuan Software Developer ropui tak a la ni thei mai ang tih rin ngamna tur khawpin a talent a pho lang tan ta. Program pakhat CourseMatch a siam chhuak a, he program hmang hian University zirlai te chuan eng class leh eng course nge zir awm chi deuh tih kha awlsam takin a hmang ve tu dangte ngaihdan leh duhtlanna atangin an hre thei a ni. Chu lo pawh thil dang pakhat Facemash a tih mai a hmuchhuak bawk a, zirlai pahnih thlalak khaikhin tur a lo lang a, ahmangtu(user) te chuan chu thla lo lang atang chuan tu zawk nge hmeltha leh duhawm/itawm zawk an Vote thin a, an University ah chuan a lar hman viau in an hlimpui hle a. Mahse University thuneitu ten a tha dawn lo a an hriat avangin an tih tawp (Shutdown) sak leh ta a ni.
Heng a project hriat hlawh tak tak avang te hian a niang chu Harvard a zirlai ve tho Divya Narendra, Cameron leh Tyler Winklevos te chuan project siam pui ah an sawm ta a. Chu an project chu Networking site, Harvard Connection tia ahming an phuah University zirlai te tana Chat-na leh Dating site tura ruahhman a ni. Zukerberg-a chuan an sawmna chu pawm in he project siamna tur ah hian reilo te chu an tel ve lawp lawp a, mahse a thiante pathum, Dustin Moskovitz, Christ huges leh Eduardo Saverin te nen ahranpa a Social networking site siam ve chu a chak zawk avangin a chhuahsan leh ta zawk a.
Tichuan February ni 4 kum 2004 ah chuan Harvard University Dormitory atangin Zukerberg-a leh athian te chuan tuna kan hriat lar em em “facebook” kan tih mai chu an han tichhuak chin ta a. Harvard Connection duangtu te ruahmanna aia tha in Zukerberg-a thianho chuan Facebook chu an han buatsaih a, a hmangtu (user) te tan a nuam leh hlimawm tangkai bakah user-te chu an dah pawimawh thiam em em a, engkim mai an Profile leh thlalak te thleng chuan an mahni, a hmangtute chu dahluh (upload) leh siamte an phal sak vek a. Hei tak mai hi a hnu zela Facebook lo darh chak leh lar takna chhan pawh a ni awm e. Tichuan Mark Zukerberg chuan a Facebook chu hun pum (full time) a enkawl a duh avangin second year kumah Harvard University chu chhuahsanin Palo Alto, California lamah a insuan ta zawk a. Kum 2004 a ral meuh chuan Facebook hmangtu chu Million khat lai an tling hman nghe nghe!!
Kum 2005 a lo in her chhuak a, Zukerberg a enterprise chuan sum lamah vanneih na a rawn chang chho tan a. Accel Partners chuan $12.7 million lai mai an network ah chuan a rawn invest ta mai a, chuvang chuan Mark zukerberg chuan zau zawkin a enterprise chu a tilar in hmangtu college, High school leh international school thlengin a zawnn phah thei a. Kum 2005 December ah chuan 5.5 million lai an site membership ni an awm ta. Chuti taka social hub thang chakah chuan company lian leh lar in advertisement tih an duhin an chak tan ta. Zukerberg chuan company lian leh lar Yahoo leh MTV network te thleng in a duh zawng a thlangin a hnawl ta zet zet mai a ni.
A sumdawnna a lian a, an hausak chho tan meuh chuan Mark Zukergberg–a khawvel chu a eng zawng leh tha lam zawng ringawt chuan a kal purh bik lo. Kum 2006 ah chuan Harvard University a kal laia “Harvard Connection” siampui a sawmtu Narendra-a te thian ho khan an ruahmanna leh remhriatna (idea) ru-ah puhin Court-ah hial an khing ta. June 2010 khan Pakistani Deputy Attorney General Muham mad Azhar Sidiqque chuan criminal investigation Zuckerberg leh Facebook co-founders Dustin Moskovitz leh Chris Hughes te chungah ti turin a ti rup mai, a chan pawh Muhammed a lem inziahsiaka ("Draw Muham mad" contest) Facebook in an buatsaih (host) vang a ni awm e.
Kum 2010 may thla khan Pakistan-ah chuan Facebook website te hi an block hial a ni. Kum 2009 ah khan lehkhabu pakhat “the Accidental Billionares” tih Ben Mezrich-a ziak a lo chhuak a, he lehkhabu hian sawizui leh ngaihven ahlawh chho hle mai a, a chhan pawh engdang vang ni lovin Mark Zukerberg-a chanchin beh chhana ziah a nih vang a ni.
Mark Zukerberg hian he lekhabu a achanchin an ziah tamtak chu dik lo a ti in a pha nasa hle nghe nghe a ni. He lehkhabu ziaktu Ben mezrich hian screen writer Aaron Sorkin hnen ah hralh in film hlawhtling tak mai “The Social Network” tih chu an siam a, He film hian Nikum Oscar award ah nomination pawh 4 lai hmu in achangtupa Jesse Eisenberg an Mark Zukerberg-a lem a chang thiam bawk a Best Actor Nomination pawh a hmu nghe nghe.
Zukerberg hian hetiang hian buaina neuh neuh leh itsikna leh dawta hekna nge atak pawh hriat lo tam tak tawk mahse a Facebook erawh chu mumang lama “Liantual tual” kan hmuh thin ang mai hian a lian tual tual thung. Kum 2011 July thla chuan Facebook hian hmangtu (user) 500 million lai a nei tling tawh ni in an report. Time Magazine chuan kum 2010 Person of the Year ah a thlang ta hial a. Tin, Magazine dang lar tak tak Vanity Fair leh Forbes te pawhin Mark Zukerberg hi thangthar mi hlawhtling leh hausa an thlanna ah an dah hniam thei ta lo.
Tunah hian Harvard University second year (2003) a nih laia atanga a hmel hriat, a bialnu Chinese American, Priscilla Chan nen Palo Alto, California USA ah an cheng dun mek a, kum 2010 a China zin a tum lai phei kha chuan a bialnute tawng Chinese (Mandarin) a zir nasa a ni awm e.
Mark Zuckerberg hian a hausak na atangin tanpuina pawh nasa takin a thawh chho a, chung zinga lian tham deuh leh ropui tak pakhat chu kum 2010 september thla khan $100 million lai mai Newark Public school New jersey a mi tan a pe a. Hei bakah hian 2010 December thla khan “Giving Pledge” an tih mai mi lar, ropui leh hausa tak tak Bill Gates, Warren Buffett leh George Lucas te pawhin an hausakna leh sum neih za a sawmnga(50%) lai an dam chhung ngeia mi dang tanpui na (charity) atana hmang tura an intiamnaah chuan a inziak lut ve nghe nghe a ni.
Mark Zuckerberg hian amah anga thalai hausa leh sumdawng hlawhtlingte pawh mi dang te tana tanpuina ui lo a pe chhuak turin a ngen nghe nghe a ni.
Juda chhungkua atangin kum 1984 May Ni 14 ah Dobbs Ferry, New York hmun ah a lo piang a. Apa chu Edward Zuckerberg (Dentist) a ni a, Anu chu Karen (Psychiatrist) a ni. Mark Zukerberg hi an fa hmingkoh a ni a, nau/farnu pathum Randi, Donna leh Ariclle te a nei. Tet te atanga Computer lam khawih nasa leh tuichilh tlat a ni. Apa in 1990 kum khan Atari Basic Programming a zirtir a, chuta tang chuan software “Zucknet” a tih mai massage in thawn tawnna a siam a. Apa sa siamna dawr an inbul ami ah pawh an hmang tangkai ve hle. In entir tur lokal leh kal loh awlsam takin an inhrilh chhawng a Receptionist tana tangkai tak a ni ve. A thiante nen computer games te an mahni in an siam(develop) thin a. A hnu a Mark-a sawi danin ‘Thian lemziah thiam taktak ka nei a, anlo leng a, an lem ziah hmang te chuan Computer game ka lo duang thin a ni” a ti. Chutiang taka Naupang danglam leh Computer thiamna lama chungchuang a nih avang chuan A nu leh pa ten computer zirtirtu tur (tutor) David Newman an ruai a, David Newman hian Kar khat ah vawi khat Mark a te Inah hian kal in a zirtir thin. Newman hian tunhnu a reporter te hnena a sawi leh dan in ‘khatiang tak a naupang talent nei tha han kaihruai kha chu a harsa khawp mai’ a ti.
Ardsley High School ah kal in chuta tang chuan Phillips Exeter Academy, New Hampshire ah zirna a chhun zawm zel a. Mark Zukerberg hi computer lam ah chauh ni lovin Literature lamah te pawh a tui hle thin a. A bikin classic lam ah a tui zual, Homer a Hlachammi “The Iliad” te pawh kha a chham thui thei fu a ni awm e. A college kalna tur application ah pawh English lo tawng dang aziak leh achhiar, a thiam zingah heng : French, Hebrew, Latin, leh Greek te hi a telh nghe nghe.
Chu mai chu ni lo in Phillips Exeter Academy a kal lai hian Fencing (Nghunhnam hmanga insual) ah te pawh tel thin in an school team Captain te hial a ni thin. Zuckerberg hian High school a kal lai in company pakhat Intelligent Media Group, hnuai ah music player “the Synapse” a tih mai asiam a PC Magazine( computer lam Magazine) chuan rating point.3 lai a pe nghe nghe.(A sang ber point 5 ah) Company lian tak tak Microsoft leh AOL ten a thil siam Synapse chu leisak a, amah Zuckerberg-a pawh chu training neia rawih chhunzawm ah an thlem a. Mahse chung thil te chu hnawl in Harvard a luh a thlang ta zawk a. kum 2002 september thla ah Harvard University ah chuan a in ziak lut (enroll) ta zawk a ni.
Harvard ah Sophomore year( US ah chuan 2nd year sawina) a nih meuh chuan Software Developer ropui tak a la ni thei mai ang tih rin ngamna tur khawpin a talent a pho lang tan ta. Program pakhat CourseMatch a siam chhuak a, he program hmang hian University zirlai te chuan eng class leh eng course nge zir awm chi deuh tih kha awlsam takin a hmang ve tu dangte ngaihdan leh duhtlanna atangin an hre thei a ni. Chu lo pawh thil dang pakhat Facemash a tih mai a hmuchhuak bawk a, zirlai pahnih thlalak khaikhin tur a lo lang a, ahmangtu(user) te chuan chu thla lo lang atang chuan tu zawk nge hmeltha leh duhawm/itawm zawk an Vote thin a, an University ah chuan a lar hman viau in an hlimpui hle a. Mahse University thuneitu ten a tha dawn lo a an hriat avangin an tih tawp (Shutdown) sak leh ta a ni.
Heng a project hriat hlawh tak tak avang te hian a niang chu Harvard a zirlai ve tho Divya Narendra, Cameron leh Tyler Winklevos te chuan project siam pui ah an sawm ta a. Chu an project chu Networking site, Harvard Connection tia ahming an phuah University zirlai te tana Chat-na leh Dating site tura ruahhman a ni. Zukerberg-a chuan an sawmna chu pawm in he project siamna tur ah hian reilo te chu an tel ve lawp lawp a, mahse a thiante pathum, Dustin Moskovitz, Christ huges leh Eduardo Saverin te nen ahranpa a Social networking site siam ve chu a chak zawk avangin a chhuahsan leh ta zawk a.
Tichuan February ni 4 kum 2004 ah chuan Harvard University Dormitory atangin Zukerberg-a leh athian te chuan tuna kan hriat lar em em “facebook” kan tih mai chu an han tichhuak chin ta a. Harvard Connection duangtu te ruahmanna aia tha in Zukerberg-a thianho chuan Facebook chu an han buatsaih a, a hmangtu (user) te tan a nuam leh hlimawm tangkai bakah user-te chu an dah pawimawh thiam em em a, engkim mai an Profile leh thlalak te thleng chuan an mahni, a hmangtute chu dahluh (upload) leh siamte an phal sak vek a. Hei tak mai hi a hnu zela Facebook lo darh chak leh lar takna chhan pawh a ni awm e. Tichuan Mark Zukerberg chuan a Facebook chu hun pum (full time) a enkawl a duh avangin second year kumah Harvard University chu chhuahsanin Palo Alto, California lamah a insuan ta zawk a. Kum 2004 a ral meuh chuan Facebook hmangtu chu Million khat lai an tling hman nghe nghe!!
Kum 2005 a lo in her chhuak a, Zukerberg a enterprise chuan sum lamah vanneih na a rawn chang chho tan a. Accel Partners chuan $12.7 million lai mai an network ah chuan a rawn invest ta mai a, chuvang chuan Mark zukerberg chuan zau zawkin a enterprise chu a tilar in hmangtu college, High school leh international school thlengin a zawnn phah thei a. Kum 2005 December ah chuan 5.5 million lai an site membership ni an awm ta. Chuti taka social hub thang chakah chuan company lian leh lar in advertisement tih an duhin an chak tan ta. Zukerberg chuan company lian leh lar Yahoo leh MTV network te thleng in a duh zawng a thlangin a hnawl ta zet zet mai a ni.
A sumdawnna a lian a, an hausak chho tan meuh chuan Mark Zukergberg–a khawvel chu a eng zawng leh tha lam zawng ringawt chuan a kal purh bik lo. Kum 2006 ah chuan Harvard University a kal laia “Harvard Connection” siampui a sawmtu Narendra-a te thian ho khan an ruahmanna leh remhriatna (idea) ru-ah puhin Court-ah hial an khing ta. June 2010 khan Pakistani Deputy Attorney General Muham mad Azhar Sidiqque chuan criminal investigation Zuckerberg leh Facebook co-founders Dustin Moskovitz leh Chris Hughes te chungah ti turin a ti rup mai, a chan pawh Muhammed a lem inziahsiaka ("Draw Muham mad" contest) Facebook in an buatsaih (host) vang a ni awm e.
Kum 2010 may thla khan Pakistan-ah chuan Facebook website te hi an block hial a ni. Kum 2009 ah khan lehkhabu pakhat “the Accidental Billionares” tih Ben Mezrich-a ziak a lo chhuak a, he lehkhabu hian sawizui leh ngaihven ahlawh chho hle mai a, a chhan pawh engdang vang ni lovin Mark Zukerberg-a chanchin beh chhana ziah a nih vang a ni.
Mark Zukerberg hian he lekhabu a achanchin an ziah tamtak chu dik lo a ti in a pha nasa hle nghe nghe a ni. He lehkhabu ziaktu Ben mezrich hian screen writer Aaron Sorkin hnen ah hralh in film hlawhtling tak mai “The Social Network” tih chu an siam a, He film hian Nikum Oscar award ah nomination pawh 4 lai hmu in achangtupa Jesse Eisenberg an Mark Zukerberg-a lem a chang thiam bawk a Best Actor Nomination pawh a hmu nghe nghe.
Zukerberg hian hetiang hian buaina neuh neuh leh itsikna leh dawta hekna nge atak pawh hriat lo tam tak tawk mahse a Facebook erawh chu mumang lama “Liantual tual” kan hmuh thin ang mai hian a lian tual tual thung. Kum 2011 July thla chuan Facebook hian hmangtu (user) 500 million lai a nei tling tawh ni in an report. Time Magazine chuan kum 2010 Person of the Year ah a thlang ta hial a. Tin, Magazine dang lar tak tak Vanity Fair leh Forbes te pawhin Mark Zukerberg hi thangthar mi hlawhtling leh hausa an thlanna ah an dah hniam thei ta lo.
Tunah hian Harvard University second year (2003) a nih laia atanga a hmel hriat, a bialnu Chinese American, Priscilla Chan nen Palo Alto, California USA ah an cheng dun mek a, kum 2010 a China zin a tum lai phei kha chuan a bialnute tawng Chinese (Mandarin) a zir nasa a ni awm e.
Mark Zuckerberg hian a hausak na atangin tanpuina pawh nasa takin a thawh chho a, chung zinga lian tham deuh leh ropui tak pakhat chu kum 2010 september thla khan $100 million lai mai Newark Public school New jersey a mi tan a pe a. Hei bakah hian 2010 December thla khan “Giving Pledge” an tih mai mi lar, ropui leh hausa tak tak Bill Gates, Warren Buffett leh George Lucas te pawhin an hausakna leh sum neih za a sawmnga(50%) lai an dam chhung ngeia mi dang tanpui na (charity) atana hmang tura an intiamnaah chuan a inziak lut ve nghe nghe a ni.
Mark Zuckerberg hian amah anga thalai hausa leh sumdawng hlawhtlingte pawh mi dang te tana tanpuina ui lo a pe chhuak turin a ngen nghe nghe a ni.
No comments
Post a Comment