Rih dil leh a khua chungchang chu a khua a mi ten kan hre ber

Lalhmingmuana

Rihkhawdar Ward (1)

Zofaten kan ngaihhlut em em Rih hi a mawina leh hlutna khawih dang lam lova awmtir hi kan duh dan theuh a ni. Amaherawh chu khawvel hmasawnna zir zel a a mawina leh a hlutna bo lo va kan cheimawi thiam a ngai a ni. ‘Rih khua’ leh ‘Rih dil’ rawn vei em em thintute leh ngai hlutute zawng zawng chungah lawmthu kan sawi e. Rih khua hi khawpui pakhat a lo ni ve tawh angin kan khua hmasawnna turin Sorkar-in a rawn ngaihven em em a, hmalak nasat pawh a tum hle a ni. He a hmalak tumnaah hian kan khua hmasawnna dal thei tur chi, khawtlang mipui thu hmu lo leh lungrualna tel lovin mahni tanghma chuah ngaihtuah vanga thu belhchian tlak loh ziah vakte, mahni ngaihdan ziahte, internet-a Rih tui a kam (tlem) tan tihte leh kawpui hmasawnna tura In hmun (tdrfajruGuf) an theh tharte, mipuiin an duh lo tia ziahte kan lo hmu a, pawi kan ti tak zet a ni. 

Hringlang tlang atangin Rih Dil.

Heng thil zawng zawng ziak a theh darhtute hi Rih khu mi dik tak an nih loh avangin keini Rih khua mipuite chuan Rih hmasawna daltu hmelma angah kan ngai a ni. A bik takin in hmun thar (tdrfajruGufopf) hi mipui duhthu leh an lungrualna lak vek tawh a ni a, khaw lal hnenah pawh hmunthar dil hi mi (150) vel an awm a ni. Tuhah hian Sorkar-in mi pawimawh bik Lal ho khual zinte riahna tur In ropui (jynfaxmifpk&dyfom) tak chu Rih khuaah hian sak mek a ni a, zawh fel pawh a ni tep tawh. He In ropui tak saktirtu sawrkar chungah kan lawm hle a ni, he In ropui hian kan khua hmel a ti mawi em em a, an sak zawh hma atangin thlalak pui turin mi tam takin an tlawh nasa tawh hle a ni. Hei chuah lo pawh Sorkar leh Company lian tak takte hian kan In leh hmun, kan leilet (phai) te chhuhsak lova kan khua tihmelmawitu tur leh tiropuitu tur atan In tha leh ropui tak tak rawn din zel turin kan duh a ni. 

A chunga kan sawi tawh angin Rih khua hmasawnna dal thei zawnga lehkha ziahte hi a chhairtute pawhin Rih khua dik taka awm ziah a nih loh chuan ngai pawimawh lo hram turin kan ngen bawk che u. Rih chanchin leh a awm dan hi chu a khua a awmte hian kan hre bera chuvangin Rih tui a kam (tlem) tihte chu thu dik a ni hauh lo mai. Kan pipu te hun lai leh kei ni kan hriat ve atanga tun thleng hian Rih tui hi a la ngai reng a ni. Chuan a kang mai mai lo bawk ang.