C.Mankunga,
Khawlzawl Vengsang
Mihring tungchhoa kan lo pian chhuah hian mi pangngai kan nih chuan nih tum kan nei vek a. Mahse, mahni tum anga awm ta hi chu an tam teh chiam lo. A chhan ber nia lang chu "Hrehawm tuar peih loh vang" a ni deuh vek a. Kan duh zawng a inang lo ang bawkin, kan tum zawng zawng pawh a inang lo hle mai.Mi taima leh rinawm chu an thil tumah an hlawhtling nge nge thin.Mi thatchhia leh mi zawmthaw chu an tumah a hlawhchham thuai thin.
Zirlaite leh thian duh tak te u, i tum i thlen hma hian kawng chanveah hian i lungawi mai dawn em ni? dinhmun tha leh sang zawk chu thian te tan i kian mai dawn em ni?I vanglai hun tha zawng zawng hi lehkha zir nan leh thil dang nakin hun lam atan thil tha tilovin, anwmsip bawl nana i hman mai chuan i hmabak chu han ngaihtuah teh.......... a puk hle mai. Nakinah chuan nangmah fa te ngei pawhin an la zahpui maia ng che, chuvang in i thil tum tihlawhtling tur hian i hunawl leh i vanglai hunte hi hmang tha la, i ram leh hnam leh in chhungkaw tan parmai han chhuah teh le. "Tumna a awm chuan kawng a awm" an lo tih thin hi maw,theih loh, harsa tih tih mai hi chu mi thatchhia te hmanrua tha ber a ni tih hre reng rawh. Mi tum mumal pawh nei lo, mipuitling lo te hmanrua a ni tih hriain bansan rawh.
Nang pawh thatchhia nih chu i duh loh kha, bei hram hram la, ti fan fan rawh; khua chu a la var mai ang. Tin kawng tinrengah ilo fail a nih pawh in beidawng duh miah suh, beidawnna te, harsatna te hian chim thin che mahse, emaw i tawk emaw pawh nise, beidawn mai tur a ni lo. Harsatna kan tawh chuan lawmna a lo hnai a ni tih hria ang che. Sap ho pawhin "Failure is the pillar of succcess" an lo tih thin hi. I kawng chu hnawkin bumboh deuh mahse bei hram hram rawh. A bei tuin emaw a tuartuin emaw a peih chhung chuan hlawhchham leh theih loh a awm ngai lo.
Pu Gahdhi te pawh kha hun harsa tak tak leh hun hrehawm leh buaina tinreng te paltlangin a Zalenna(freedom) an lo sual chhuah ni. Tin, Sir Edmund Hillary Tenzing pawhin harsatna tinreng pal tlangin a ni Himalaya(Mount Everest) a lawn chhuah ni. Khawvel mi ropui tam tak te pawh hian harsatna leh hlawhchhamna tinreng paltlang hnuin ropuina leh hlawhtlinna chu an hmuhchhuah ni. Nang pawh i hmalam hun thlirin i nitin hun te hmang thin la, tumna sang tak nen i ropuina leh i hlimna tur chu rinawm takin pan zel rawh. Chuvangin hun leh ni te hi kan thu hnuaiah an awm lo a ni tih leh kan ko kir thei lo tih hria in tha tak a hman i tum ang u. Lehkha i zirlai atangin emaw tum i neih lai(nakin hun atan a thil tha) in emaw mama nu emaw mama pa emaw i zawn mai chuan i inchhir in ban a chen mai ang. Dinhmun siam laia nupui/pasal tur i zawn mai chuan i dinhmun ila in-fungtion loh avangin aw...ka lo ti mai ani tiin i la inchhir mai ang a, i nih tur ang i pha lo mai ang. Dinhmun sang zawk leh tha zawk atangin han zawng la mi feltak tak an rawn in lar zut zut mai ang. Chuvangin zirlaistudent) i nih chuan zir ringawt mai la, tin, eng kawngah pawh dinhmun siam tum lai i nih chuan i thil tum i hlawhtlin hma chuan i tum chu ti hlawhtling phawt mai rawh. 'Chan tawka lungawi tur' tih te hian ilo inhnem ringawt ang e,chantawk a lungawi chu mi ang lo,mi a kan tih te chauh hi an ni.
Tunlai sualna tamber te pawh hi hunawl hman that loh vang leh tum mumal(future aim) nei lova kan awm vang a ni. Hun hi a hlut em avangin sap ho chuan 'Time is money' an lo ti hial ani. Shakespear-a chuan hun te ni te hi ti hian a lo ti hial a ni,"All days dearest, all time are sweetest" tiin a lo sawi hial a ni.