King James Version lo pianchhuah dan
B Chhuana
Sap tawng bible lehlin zinga lar ber leh Protestant kohhrante chilhkhawmtu pawimawh ber chu KING JAMES VERSION hi ani awm e,kum zabi 17 na tawp lam atanga kum zabi 20 thleng a Kristian tam takin an hman tam ber leh Bible tia an sawi ngam hi ani,hmun thenkhatah chuan Authorized version tiin an ko bawk,Lalber phalna meuh hmu a lehlin anih avanga hetianga ko hi ani,khawvel thu leh hla thiam hmingthang tak Shakespeare a hunlaia an lehlin ani a,khati hunlaia saptawng thuril pui puite hmanga lehlin ani bawk,He Bible hi kum 1604 a Hampton court conference an neihnah John Reynold a'n an thurel zingah apu lut a chumi rah chhuah atang chuan he Bible King james version hi alo piang ta a ni.
KJV hi mithiam hrang hrang 54 in chanvo insem a an lehlin ania,heng mithiam rual te hi Gruop 6 ah an in then a, Group 3 in thuthlunghlui an bitum a,Grouo 2 in Thuthlungthar an bitum thung a,Group 1 in Apocrypha lehkhabu an bitum bawk,an lehlinna hmun pawh ahrang nuaih mai,Westminter cambridge leh Oxford khuaah te an letling hlawm ani,Westminster a thawktute hian Genesis Lalte, Rom Juda lehkha thawn thleng hi an bitum a, Cambridge a thawktute hian Chronicles thu hriltu thleng leh Apocrypha hi an letling bawk a,Oxford khuah lama thawk ten lsaia Malakia leh tirhkohte thiltih leh thupuan thleng hi an bei bawk a ni.
An lehlin dan chu aletlingtu zawng zawng ten an lehlin zawh vek hnuah Group hrang hrang ami te khan an lehlin kha an inthleng kual leh a, an in endik sak tawn leh vek a,chumi hnuah an zing atangin mithiam 12 an thlang chhuak leh vek a,chungte chuan uluk takin an en chhuak leh vek a ,chumi hnuah Miles Smith (KJV a thuhmahruai ziaktu) leh Bishop thomas Bilson ten hnukharna (Final touch) an nei leh thlap a,ti chuan Press ah chhut turin an pe ta a ni, he hna hi kum 1607 khan thawh tan a ni,kum hnih chhungin hna zualpui chu thawh zawh a ni.
He Bible lehlin nan hian Bible dang an rawn nual a,Tindale,Mathew Coverdale.Great Bible/Geneva BibleHebrai bible,Grik bible,Latin bible te pawh an hmang nasa hle a,abikin thuthlung thar thumal 80% vel phei chu Tindalea bible atanga anlak chhuah ani nghe nghe,Douay Rheims Bible te,Hebrai text(Latin version Arias montanus a kut chhuak te Tremellius Bible1579 te, Greek News Testament zingah chuan Stephanus leh codex Bazae te hi an hmang nasa hle bawk,
Ti chuan kum 1611 khan 16×10,5 inches a lianin an bible lehlin thar chu an siam chhuak ta hlawl mai a,atira ahming an vuah tak chu The he- Bible tih ani.King James version an tihna chhan chu khati hun lai a England Lal King james 1 a kha bible humhalhna lama thawhhlawk tak a ni a. he Bible an lehlin tharah pawh hian an tih chhuah hmasak berah atitle page dawt chiahah king james i hriat rengna dedication dah ani a hei vang hian king james version an tih phah ta a ni.
Kum 1611 a KJV zawrh chhuah tan tirh khan sawiselna leh dodalna atawk nasa hle a,tih lungawi antum pakhat Puritan te chuan an duh lo hle a,Bible mithiam thenkhat dangte pawhin adik lohna lai thur chhuah nuam anti hle bawk,mahse kum 1700 a rawn her chhuah meuh chuan English Bible dangte el phak rual loh ani ta a ni.
He King james Bible hi tunah chuan kan mizo zinga Pa chhuanawm tak leh entawn tlak tak mai Dr PC Biaksiama chuan 2010 thuthlung thar 2015 ah Holy Bible in arawn letling chhuak hlawl mai a,a lawmawm hle,ataimakna leh ain pekna aropui tak zet ani,KJV chhuah hlima dodaltu leh sawiseltu atawh nasat ang bawkin tun ah pawh ala tawk nasa reng a ni.
