Mizo-ah i kir teh ang u - tih kha

JH.Lalhmingmawia, New Siaha

Vawiin chu kan ṭhianpain chhim lam chu in chanchin chanchinbu a an ziah, Mizo-ah i kir teh ang u, tih thupui kha in lo hmu em tiin min rawn msg hlauh mai a. Hmu e kaa lo si pel chhuak thlap e, a ziak tupa hming pawh kha ka hria a mahse amah tak chu ka hre lo tiin ka lo fiam zui hluai a.

Eng kan ti nge mawni Mizo-ah hian kir ngai tlata kan hriat hi aw ka ti.

Kei chu hei bak hian ka mizo thei tlat lo, mizo hming ka nei a mizo nun danin ka nung a, mizo chaw ei ang pangngai ka ei bawk. Mizo ṭawngin ka ṭawng a, chhiatni ṭhatni-ah mizo nun danin thlanlaih leh khawhar len pui in ka tei chhuak ve bawk a, ṭanpui ngai em em an la awm loh avangin sawi fak turin mi kan la ṭanpui chiah lo mai a ni. Chu baka mizo nun chu ka hre bik hauh lo.

Mi ṭhenkhatin ui an duh em em a, an vulh a, a ṭhen in zawhte an ngaina a, an duat hliau hliau a, kan ei phak loh tui tui an ei tir a. Chung an ran vulhte chu an lo thih hunin a

ṭhen chuan thlan te an laihsak a, uluk takin mittui nen an vui liam ve fo mai. Chu chu a vai tihna a ni lo a, a mizo em em tihna pawh a ni chuang lo; a ran vulh kha a ui ve tihna a ni mai. Kha ran thihna khan mizona leh mizo lohna a ken ka hre lo, tin, kan kawmchhak Lungzarhṭum hoin an rama cheng leh awm an humhalh em em Sele chu a thi a, an ui a, an sûn a an rilru a na a.

A ruang an hlawm a, an vûi a, an sawngbawl a ni ve mai. Sele enkawl dan tur mizo deuh tunge hre bik che u, a nih loh pawn Sele enkawl dan vai deuh emaw sap deuha Sele enkawl dan hria kan awm em? miin an rilru a thawk angin thil an ti ve a ni mai, lo sawisel chiam kha a fuh bik chuang hauh lo.

Aizawl veng ṭhen­khatten an ṭhenawmte ngei ngei an thihin thlan pawh an lai tawh lo a, hlawhfa an ruai an tia, chu chu a mizo bik em? Aizawlah khawhar in riahpuitu an awm tawh lo an ti a, chu chu maw mizo nun zemawi chu? eng ber nge Aizawl lam sawn mizo nun zemawi an chawi nun ve zawk le?

Chapchar Kut-ah tlangval nu leh pa te pawisa pek chawpa rawn rui pawr kual velin Thangchhuah diar an rawn khim a. Chu chu maw an chhuan thawhchhuah pawh nei ik loin Thangchhuah diar an khim te hi zak viau zawk rawh se.

Khawhar in riak nei ngam lo khawpa an inenkawl te saw zakin kun ngawih ngawih zawk rawh se. Mizo nuna kir leh an duh tak tak a nih ngai chuan Aizawl sawn hmabak an ngah ber zawk ang.

Thingtlanga Zo­nun zemawi kan kal­pui mek hi an hrethiam tawh lo zawk a nih hi mawle... ka ti vawng vawng ṭhin.