Separation of Church and State

Zohmingthanga Pachuau

Plato-a chu utopianist a ni a, sâng takah a ngaihtuahna a vak vek a, ram inrelbawlna atan duhthu a săm thin. Ram roreltu atana a duh ang type hi Mizo-ah ka zawng a, Revd Chuauthuama te ang hian an ang teuh viau ang.

Aristotle-a ve thung chuan a zirtirtu, Plato-a zirtirna hmuh duh ve tho siin, a practicable lohna a hmu ta bik a. A pian tlai rah emaw, Plato-a zirtirna a analyse theih vang a ni ang. Ani chuan second best, a tha ber dawttu-ah ram rorelna chu a sir tlukpui ta thung a. Khawvel ram inrelbawlnaah perfect government a theih lohzia a hmu thiam ta bik a, father of political science  tih a ni ta hial a ni.

Anmahni pahnih atang hian Mizoram politics-ah lut chhin ang. Separation of Church and State hi chu a hming atang hian kan hrethiam mai àwm e. Sawrkar leh Sakhua hi khawvel politics-ah chuan sawi hlawh tak a ni a, inhnialna tawp hlei thei lo a ni. Kan kohhran puipate zingah pawh separation of Church and State duhtu an awm nawk zel a; khawvel ram inrelbawlna hi Aristotle-a tarmit vuahin an thlir thiam a ni mahna!

Kum 1966-ah Mizote'n India atanga indan duhin independent kan sual a, kan sual chhuak lo va, remna sa ui tan a ngai ta a, peace accord hmangin India Union-ah kan awm a ni tih kan nemnghet a nih kha. Ramin hma a sawn zel ang a, a than zel a, kan intodelh a, mahni siam ngei kan rin ve theih hunah chuan Swadeshi movement te pawh kan neih hun a la awm mahna le! Mahse, kan ram economy leh kan possibility te, kan economic power te han inen i la, tunah mai hi chuan Strategy game play a, approach mumal tak neia interrelation tha tak nei a, India ram rorelna tha enjoy ve mai hi kan ban phak tawk a ni tih kan pawm ngam a

tul si a ni.

Kan subject-ah han lut leh ila- Mizoram-ah Secularism kan mikhual thiam tawk lo a, politically-a politician-te leh kan State foreign minister (Kan politician te hi Foreign minister angah ngai mai ang) te tana diplomacy game play tithuanawp tawk chauhin mipui lam politics-ah kan boruak hap a hniam a, vai huatnain min chiah hneh tulh tulh a, hnam dang laka tal hrang zo rih lo kan nihna lam hrethiam phal si lovin, sakhuana leh politics kan chawm pawlh nawk nawk a, hmalak a harsa ta a nih hi.

India danpui (Constitution) that tawkzia leh kan himzia lam kan thlir lo va, Dr. B.R. Ambedkar te min duhsakna zar pawh kan zo thiam lo a nih ber hi.... A nih leh Independent ramah indah chhin i la, kan foreign minister-te hian tu ram nen nge trade

deal an siam ang a, tu ram nen nge trading partner te hi kan siam ang a, tu ram nen nge palai kan intirh tawn vel ang? Donald Trump- a, a duh rum ber pawla khawvelin a hriat pawh khuan Iran te, China te tun hnaiah han hrekin, an thawh dunna ti tawp hret hret bawk mah se, amah mai khuan khawvelah a tlei zo bik hauh lo. Sawizui vak loh pawhin kan ngaihtuah chhunzawm chuan politics-a thawh dunna awmzia leh sakhaw base vek ringawta ram rorelna a kal theih mai lohzia chu kan hrethiam mai àwm e.

Mizoram chu Christian ram kan ni; mahse, a chunga a harsatna kan sawi piah lamah India Union-ah kan awm a ngai rih. Mizoram politics sawi nikhua a, Vai pawl leh Hindu sawi zawm tuma, mipui thluak suk tum tlat hi hmasawnna daltu a ni. Plato-a dungthulin duhthusam government kan zawng a, zawn ringawt chu a sual lèm lo ve, a theih loh avang erawh hi chuan tal chhuah a ngai thung si a ni. Mizoram-ah sakhua hma theha hmangin perfect government kan zawng a, a lehlamah meizialin zawi zawia cancer bawiha min hruai lut ang chiah hian, Mizo

moral tichhe vek duh khawpin Politics kan dai sual ta thung a. Chu state chhunga mipui moral dik lo chu Pathian ngaihah chuan sual pawi nasa tak a ni tho tho mai a.

Hei hi kohhran huang atang paw'n kan hmu fuh tawk lo nge ni, sual huat lamah hmasawnna kan nei meuh lo a, sakhua erawh kan bei angreng viau a. Missionary Christian kan nihna zawng zawng nena ngaihtuah chuan, ram lak pawh a har zaw mah àwm e, internal politics a chhe tho si a. Bel keh phuar khawm tui pai thei lo an sawi ang deuh a nih ber chu!

Internal politics, a bul thut dik lovah hian mi lem biakna a inphum teuh àwm e. Plato-a duhthusam chu kan fail pui ve chiang hlê tih kan hrethiam ang. Sakhuana nena kalpui kan tum ang diak diak hian ram rorelna leh ram leh ram hi an thawk ho thei ngai dawn lo tihna a nih chu! Aristotle-a tarmit hawhin, second best, a tha ber dawttuah tum mai hi father title kan lak theihna awm chhun a ni.

Chu vang chuan, separation of Church and State hi khawvel ze ken a ni tih pawm ngam a, Aristotle-a thlirna tawmpui mai hi sawrkar tha kal kawng a ni. Plato's pointing up at the ideal and Aristotle says hey teacher, come back down, we live in a real world here.