Zawlbuk nun leh Nupa nun

 Sangtea Chhakchhuak

Zawlbuk kha, Rawlthar-te Sikul tha tak a ni a, Ral rel nan leh kawng hrang hranga hmalak nan an hmang thin. Inti pa deuh te phei chu fa 3 lai an neih thlengin riak pawh an awm. A tha zawnga chhut chuan thil tha tak a nih rualin, a tha lo zawnga chhut erawh chuan fuh lo lai a awm ve bawk.

Thaibawih nih kha an duhloh ber zinga pakhat a ni a, Nupui an nei a, fa pahnih khat lek an neih avang khan an nula rim an dal tir chuang lo va, Zawlbuk riah an bansan hek lo. Kha boruak avang khan nupa innei hlim te chu a ruka an inrim a la ngai a, Tunlai angin mut pindan hrang an nei si lo a, Nupa nunah harsatna an nei nasa em em a ni.

Zawlbuk atangin thiante muthilh hlan chuhin an nupuite bulah a ruka kal a ngai a, Electric eng te awm hek lo.. Thimtham karah khumpui an pan a, Nu muhil tui lai an kaitho chawp a, hmanhmawh takin an mikhual Chem thiah chawt chawt thin. Nupa nunah hmeichhiain chanvo a neih a hre pha lo a, pa tlingtlak rual a, Zawlbuk haw kha a ngah a ni ve mai. He System tak hi tlangval verhter leh sual deuh te chuan remchangah hmangin an pasal te an lo hawkhalh thin a, an thawmhnaw inbel atanga hrehrang turin, puan veng vek a ni si a, thimtham karah tu ber nge hriat hran theih a ni si lo. Chhungte hriat hlau tak chungin an lo sepui ruah do ve zel mai ni awm tak a ni.

Nupui chu, pa In atanga an Indan hma chu mo a ni reng a, chhiahhlawh ang hial a chhawr an ni thin. Mo tha ni tur chuan, a nauneih tukah tuikang a nghah theih a ngai a, a nau neihna bawlhhlawh amahin a sukfai a ngai thin. Pa Tuibur hmuam tur nau hmathlak chungin an zuk an ngai a, naute chu, Tuibur rim leh Vaihlo khu hakin an seilian thin a ni. Tui chawi leh thing phurh engkim mai hi an kuta awm a ni a, hnung lamah Em an phur a, hma lamah Nau an hmathlak a, Tuibur an zu khu vung vung mai thin. Chu chu, Mo tha awm dan tur a ni tlat.

Nula tlangval an nih laia an in U thinna kha, nupa an nih rualin a tawp a, a pasal chu a mawl biak tur a ni a, a biak chhunah pawh bak hlakin a be tur a ni. Fa an neih hunah erawh chuan, an fa hmasa hmingin an inko thin. Eg : Ngura pa, Ngura nu etc...

Khatiang boruak avang khan, muthlu/mumang ram atanga naupiang kan tam a,hmeichhe thlemah leichawi a lo awm bawk lo nen, Indian Penal Code U/S 375 (Sexual Offence) anga puh theih naupiang kan tam a, hreawm tuar chunga nu naupai atang chuan hmelthat ngaihna a awm lo. Tun hma kan pasaltha pian nalh leh hleithling an sawi thin, thawnthu ang mai a, kan hriat te pawh kha, lo thoin han hmu chiah ila, mi chawrche te te an ni ang. An hun laiin an chhe dawn em a, chhe awmkhawm karah an lo tha ve deuh a ni mai. A chhianna chu; kan Missionary hmasa-te Diary atang hian, kan balh zia leh kan hmelchhiat zia a hriat theih