Euthansia (Tualthah dan) i duhloh chhan tur point 10

 Rev. Lalbiakhlira

1. 
   Grik tawng "Eu" (tha) leh "thanatos" (thihna) atanga lokal "Euthanasia" hi "thihna tha" emaw "khawngaih vanga tihhlum" tihna a ni a. Intihhlum hi hming mawi tak peka tha ta pakhatmah a awm thei lo.
2. Dam lo remtihna thlapa tihhlum hi ram tam takin an phal a, voluntary euthanasia an vuah. A dam lo ber rilru mang laia a phalna lak chu tih sa loh loh! Inthlahrunna avang chauh pawhin dam lo chuan thih a thlang mai ang chu.
3. Naupang leh dam lo na tak, ngaihdan pawh nei lo tihhlum hi "non-voluntary euthanasia" an vuah. Tualthahna dik tak a ni.
4. Dam lo hrilh hre hauh loa tihhlum an awm thei a, hei hi "Involuntary euthanasia" an vuah a. Hei pawh tualthahna dik tak a ni.
5. A chunga voluntary, non-voluntary leh involuntary euthanasia te hi active euthanasia leh passive euthanasia in an then leh vek a. Passive chu dam lo damdawi hmanlai leh inenkawlna tihtawpa thihtir hi a ni. A nunrawnthlâk hle.
6. Active euthanasia chu thih ngei ngeina hmanrua hmanga chiu emaw tur pek a ni ber a. Hrai hlum emaw chiu hlum a nih chu. A rapthlâk hle.
7. Na hrehawm tuar loin tunlai hunah a thih theih. Pathian khawngaihna avangin nachhawkna tha tak tak a awm. Intihhlum kher hi zawng inhmangaihna atanga chhuak a ni thei lo.
8. Mahni duh hun huna intihhlum theihna "euthanasia" hi nunna neitu Pathian pawisak lohna "dan diabola" a ni. Nunna min petu Pathian hi nunna chunga thutawp neitu a ni.
9. Ro duhna avang te, insenso duh loh vang te, buaina pumpelh duh vang leh rilru tha lo dang avangin a enkawltuin, dam lo rilru mang lai chu thih a duhtir thei a, a tihlum thei asin.
10. Dam lo na tak tak, "A thi ngei dawn e" miten an tih hi eng emaw zah dam chhuak leh, hrisel tha taka hna thawk leh thei, mi tangkai tam tak an awm tawh. Pathian hnathawha innghah mai hi a va tha em!

Covid-19 leh Euthanasia lakah lo fihlim tlat ang che.