Thingfanghma (Carica papaya) thatna

Thingfanghma hi thei hrisel tak a ni tih hi chu kan hre vek a, a thatna tlangpui han tarlang teh ang.

Dengue fever atan thingfanghma hnah thatzia an sawi fo va, hei hi a finfiahna, scientific proof awm chiah lo mah se mi tam takin an thatpui thu an sawi a. Lo awih loh ringawt chi a ni lo.

Thingfanghma hian natna hrik, bacteria and virus tihhlum theihna leh a laka taksa vên theihna a neia ngaih a ni.

Tunah chuan dengue natna enkawl nan thingfanghma hnah atanga siam damdawi siam chhuah a ni dêr tawh a ni.

Tin, thingfanghma hnah hian thisena platelet count a tisang theia ngaih a ni.

Tui telh lova thingfanghma hnah tihsawm tur a ni a, tichuan a tui såwr chhush tur a ni. A tui chu thirfian khat chini telha in mai tur ani.

Thingfanghma hian calories a pai tlem a, cholesterol a pai lo va, soluble dietary fiber a pai tam avangin êk kha tha hle a.

Papain a pai hian protein kan eite a paitawih a, pumpui leh rilin chaw a pai tawih kawngah nasa takin a pui thei a ni.

Thingfanghma hian Vitamin C a pai tam avang natna do kawngah taksa puiin taksain natna a do lêt theihna khawl a tichak a, taksa vůng leh nâ a ti ziaawm thei a ni.

Thingfanghma hian Vitamin A a pai tam hle mai a, hei bakah hian flavonoids- beta carotene, lutein, zeaxanthin leh cryptoxanthin a pai bawk a. Mit, vun leh chaw kawng hrisel nan a tha hle a.

Oxidative process avanga taksa a timur chhe tur a veng a, hei hian natna benvawn hrang hrang lakah taksa a venghim thei a.

Thingfanghma hian cancer, zunthlum leh lung natna a veng theia ngaih a ni.

B Complex Vitamin – folic acid, pyridoxine, riboflavin, thiamine a pai tam a. Hei hian taksaa tihrawl leh timur hnathawh nasa takin a pui a ni.

Thingfanghma hian potassium leh calcium a pai a. Lungphu leh BP a control a, lung natna hrang hrang tan a tha hle bawk a ni.

Thialian leh kal natna tan a tha hle a, vun leh sam a tihrisel a, hmai leh vun hnawih, lotion leh cosmetic-ah pawh thingfanghma hi an hmang nasa rêng a ni.

Thau tan rihna tihhniam nan a tha a, thingfanghma hi rulhût hlo tha tak a ni bawk a. A zung hi ha nâah belin ha nâ a chhawk thei a, hriatna thazam a tichak thei bawk a ni.

Thingfanghma hi vawi khata ei teuh chuan kua a titha lo thei a.

Raipuarah chhul tihrawl a tihsan mar theih avangin nauchhiatna a thlen thei a, naupai laiin thingfanghma a hlanga ei loh tur a ni.

Source : Gilead Thinghnai,

Dr. Lalkhawngaihsanga