Vanlalremruata Tonson
Hmeichhe lu zo leh fel tak tak, Aizawl khawpuiah chuan ka hmu \euh mai. Anmahni ang chiaha tlangval fel leh awm thei pawh ka hmu. An inkawpte hi inhmehte ka ti a, hmuh nawm ka ti hle \hin. An changkang bawk si. Mahse, Mizoram buai lai pawh ka hre chhuak ve fo mai. India sipaiten Mizoram an suasam chanchin kha. Kei chuan nu leh pate leh rual u hrette ti ti ka hriat chauh phei zawng a ni.
"Hlau reng reng suh u, khawih an tum che a nih chuan in sat mai dawn nia," tiin reserved thing kit tura hmeichhia an khalh hrante chu an inchah hial tihte an sawi fo mai. Khami ni khan nu pakhat chu a au deuh \hat a, mahse, engmah a thleng zui ta lem lo a ni awm e. Khatih hun lai thil thleng kha sawi nuam an ti hauh lo, hun kal tawha an nun lrh thil hriatreng theihna dek thil an tawn hrehawm tak sawi chhuah changa an ti tiin an sawi tel \hin a ni. Thawnthu sawi anga ngaihnawm taka min hrilh phei chu ka hre ngai lo. Mipa zawng zawng field-ah kal khawm vek tur an tih tawh chuan hmeichhe tan thlamuang taka awm chi a ni tawh lo reng reng.
"Bang vawm nan pawh hmang ila a bet thlawrh ang chu," tiin khatiang hun hre pha ve riai ruai pakhat chuan a sawi a; "A kal pawh a kal thei lo kha a ni a, a lo thi lo zawk ngawt mai," tia lo chhunzawm an awm bawk.
Khatiang ti ti ka hriat lai kha chuan naupang ka ni a, mahse, ka rap a ni ang. Hriatchhuah leh chang ka nei fo mai. Tunlai naupang chuan khatiang thil chu a thleng thei ang tih reng an ngaihtuah pha tawh awm si lo. Mipa leh hmeichhia an inkawpa inhmeh ka tihte, hmuh nawm ka tihte pawh ka ti ti hriat \hin hre pha tawh lo an ni a, kei pawhin a chipchiara sawi leh chuan tur chu ka hria pawh a ni tawh lo. Khatih lai khan ka hriatrengnaa thil lo lut bak hi chu eng nge a nih pawh ka ngaihtuah thiam hek lo. Tichuan, chanchin rapthlak tak takte leh tawrhna rapthlak tak takte chu tuman rilru natah pawh nei lovin an theihnghilh zui mai dawn chu a ni si a. Misualte khan Pathian malsawmna ropui tak an dawng ta bik em maw ni le? Thil sual ti lo awmin an awm veng veng a, an suahsualna tuartute lah chu anmahni a\anga chhuak ngeite pawhin an tawrhna chu an hrechang tawh lo a ni ta mai si.
Mizoram buai laia pawngsual thil finfiah harsa tak tak a ni chho \an a, a finfiahtu nih pawh thil chakawm a ni lo. Thil chiang leh tlang hriat pawh tu tan mah sawi chhuah leh hi thil chakawm a ni hek lo. Pawngsual hi finfiah leh emaw chhui chian leh a nih hian vanduaina lo tawkte hian vai pawngsual hnu tih bak hlawh tur an nei lo va, chu chu an thlahte tan pawh thil nuam a ni lo ang. Pawngsual erawh a tam khawp tih a chiang khawp mai.
'Chu khuaah pawh, khaw pakhatah pawh…' an ti a, pawngsual chanchin sawi a nih chuan sawi tur hre tak tak an tam hle \hin. Tak tak a nih rin harsa tak tak thlenga sawi tur hria pawh an awm fo.
Major Suala an ti mai a, MNF puiah puhin hmeichhia a sawisa \hin a, chutah an chau ta maw tih hian a letling zawngin a khai an kaah a tihsak ta \hin ni awm taka sawite pawh an awm.
"(Chu) khuaah pawh hmeichhe pangngai chin chu pakhat chauh ti loh chu an pawngsual vek ni awmin an sawi \hin. Mahse, khatiang kha tu tan mah sawi chhuah leh chi a ni tawh si lo a," tiin Mizoram buai lai chanchin chhuitu C Zama chuan a sawi a; hmeichhe pakhat chirh intatin a â der a, a him ni awma sawi a awm \hin thu a sawi.
Chu chu a tak tak pawh lo ni se a hun lai ngaihtuahin thil mak a ni lo. A rapthlak hle a ni ringawt. Khawtinah pawngsual sawi tur a awm ni berin a lang a, khawtinah pawngsual a thleng tia sawi hian thu kan uar deuh a nih pawhin grouping centre-tinah a thleng ti ila a sual lo ang.
A tirtê a\anga pawngsual a thlen nasat dan chu April 5, 1966-a Assam Assembly-in Mizoram buai chungchanga an sawihoah khan a chiang hle. Kha kha pawngsual a thleng ngei tih finfiahna tun dinhmuna kan neih theih \ha tak chu ni ta berin a lang bawk.
Assam assembly-ah khan, "Human rights kalha chet hleihluakna nasa zual chu hmeichhia, mahni in veng thei lo pawngsual nasa tak mai chu a ni. Naupang kum 14/15 pawh an zuah lo. Heng hi kan hriatin kan thin a \hawng a, zahthlak kan ti kher mai. Ka pu, heng pawngsual hi khawilaiah emaw a thleng zeuh zeuh a ni lo, khawi khawiah emaw a lo thleng zeuh zeuhte chu a chu hriatthiam theih chin a awm ang. Chhun pachang leh zanah pawh a khaw puma an tawn a ni tlat mai hi a va rapthlakin a va zahthlak ngai em!! An pasalte leh an chhungkhuaa mipate an la hrang a, chumi hlana silaia vau chunga an hmeichhiate anmahni in ngei maia an pawl lui \hin ta chiam mai chu thil thleng rapthlak ber leh hmeichhe tan phei chuan hlauhawm ber a ni. Deputy Commisioner hnenah han \hin mah se a ni pawh a "helpless" a, engmah a sawt lo a ni tih chu kan team hnenah hian an lo sawi nasa viau a ni," tiin Mizo mipuite dinhmun fiah tura Mizoram tlawhtu Assam MLA Stanley DD Nichols Roy chuan a sawi (Dr JV Hluna'n Zawlkhawpui Senmei Chan Ni tih lehkhabua a ziak lak chhawn a ni).
Hei hi rambuai tirhtê kha a ni a; a landan berah chuan MNF-in independence an puan khan India hian sipai a rawn tir nghal a, chung sipaite hmanlaia indonaa sipai chak zawk lam an chet \hin ang hian an che ta bawrh bawh mai a ni ber. India sipaite chu Mizoram an rawn thlen tirhte a\ang khan hmeichhia pawngsualin an che nghal bawrh bawrh a ni ber.
Vai fa hi Mizoram khawtinah hmuh tur a awm tih theih a ni a; mi \henkhat chuan hmeichhiate pawhin an zir lo, tiin sawi mam an tum leh pek mai thei. Dan mit a\anga thlir chuan hmeichhia an inzuar emaw sipai leh vai dang laka an lo inphalrai deuh a nih pawhin pawngsual a ni thei tho. Chu chu Indian Penal Code-a chuang a nih vang ni lovin justice innghahna pakhat chu 'reasonable reason' a ni a; India sipaite khan kawng engkimah Mizo mipuite security hi a tihchhiat theih zawng zawng an tihchhiat vek avangin hmeichhe tam tak chuan an hmeichhiatna an hum zo ta lo a, an hum thei bawk lo a ni. Hmeichhiate hian an nunna hial thap loa an hmeichhe nihna hum tura duhthlanna theihna an neih loh chuan an inpekna chu pawngsual tia thu keuhthluk nana thu tling leh awm a ni.
Nu \henkhat chuan an thing phurhnaah pawh pawisa an chhar nawlh chang a awmte an ti a; nu leh pa \henkhat chuan an chhungkua ngaihtuah avangin an pasalte hian vai pasalah nei mai an duh, tih a ni bawk. Pioneer nei nawlh nawlh pawh an awm a; \am a nasat avangin atta leh buhfaia mahni hmeichhe nihna thleng ta an awm tih pawh a sawi a ni.
Khati tak khan India sipaite hian mipui bei lovin, India sorkar hian Mizoram mipuite himna – economic leh thil dang hrim hrimah pawh hian ngaihsak chu ni se khang hmeichhiate khan khatiang thil kha an ti hauh lo ang. Mahse, ti lo thei lo dinhmunah a nawrchep zawk chu a ni si.
"Practically, India declared war," tih chu ka hriatthiam ve dan ber a ni. Mizo mipuite leh midang lakah chuan em ni indona chu a puan tih chu sawifiah dan mai ka hre lo. Ka ngaihtuahnaah erawh chu 'indo puan' chu a rawn lang leh \hin si. India khan Mizorambuai a beih lai khan India laka inlakhran tuma independence puangte man khawm a, buaina chinfel hi a tum bulpui ber a nih pawh ka ring chiah lo. Mizoramah chuan sipai a rawn thawn lut chiam a, an discipline pawh a thlah dul a, hmeichhe chungahte chuan an duh duhin sipai, mipa hlang awm khawm chu a tal tir vel ta ni chuan ka hria. A rapthlak lutuk. Mizo mipui zawi hnawk khawpin an chil ta a ni.
Sipaite chu Mizoram luhna kawngpui awmchhunah chuan an rawn lut ta \hup \hup mai a, an thlen chin apiang chu an rawk a, mipui an sawisa a, hmeichhia an pawngsual bawk. An thleng thui zel a, chu chu an chhunzawm zel a, hmuntinah hmeichhe pawngsual sawi tur a awm ta a, a \henah chuan mipate pawh an pawngsual nia sawi a ni.
Sipai tuin emaw hmeichhia a lo pawngsual a ni lo. An pawngsual rawn \hin. Mipa chi siak chhuah ngai sawi tur a awm nawk. Hmeichhe hlutna ber pakhat hmel\hatna chu him lohna chhinchhiahna a ni ta a; an duhzawng chu MNF puiah puhin an man a, an pawngsual \hin a ni.
Mi pawngsuala hrem turin India sorkar hriatpui eng rorelna mahin thutlukna a siam ngaiin a rinawm loh a, mahse, India sipaite chuan rinhlelhna ringawt chu pawngsual nan an hmang \hin thung.
Kawlkulh khuaah hian Captain Mhan Singh a awm \hin a, a bial chhung nula tam tak pawngsualin a ti chhia. A nula it zawngte chu camp-ah koin ama pindanah chair-ah \huttirin an kut chu chair vawn banah a \awn bet a, zu te tulhin a vau a, a dawp bawk a, an chhan \hat duh lohin kutthlak \hin. A duh tawka a dawp hnuah a pawngsual ta \hin a ni. Hetianga a tih thawm hi a pindan piah lawka awm sipai compounder C Darkunga pindan a\anga hriat phak a ni. He khuaa Gramsevaka awm mi huaisen leh fel tak Hrang Dailova'n ngam tak leh theihtawp chhuaha a beih hnuah eng tin tin emaw sawn chhuah leh sipai a\anga ban a ni chauh niin C Zama chuan Zoram a |ap tih lehkhabu, Mizoram buai laia sipaite chetna rapthlak tak tak a ziaknaah a tarlang. Mahse, hetianga sipai sual bei let ngam leh hrem an nih theih nana hma la thei hi an awm mang lo a, sipai sual hrem pawh midang chu an awm mang lo a ni.
A chang phei chuan an tisa chakna phuhruk chu khawtlang hruaitute mawhah an ngai ni awm tak a ni, "Hmeichhia a demand," tih \awngkam pawh a pian phah nghe nghe. Sipai hotu tuin emaw hmeichhia a demand a, tisa chakna hrikthlak nana a hmang chu thil rapthlak tawp zinga a mi a ni. Engmah tih theih nei lo hmeichhia dinhmun tur kha suangtuah sak ngam pawh a ni lo.
Pawngsual avanga Mizo mipuite hriathlawh em em chu Major Pritam Singh kha a ni. Ruallung khuaa awm India sipaite hotupa a ni a, a bial chhung khaw hrang hrangah a kal changin nula a demand \hin. MNA nena an inkah \uma a thih khan a diary an ensak a, a nula pawngsualte hming leh a pawngsual ni a lo ziak niin C Zama chuan a ziak.
Major Deswal an ti a, chu chu Ngopa khuaa awm India sipaite hotupa a ni. "Mi na tuar au leh hmel hi hmuhnawm ka ti ber a ni," a ti niin an sawi. A bial chhung khaw hrang hranga a nula hmel it zawngte chu a hlah lo a, a chang phei chuan khual khua a\angin nula a demand a, a hote chuan khawdanga nula awm chu an va man sak a, nulate chu \ap chungin an khaw lamah chuan an haw leh \hin niin C Zama chuan a ziak bawk. Sipaite hian hmeichhia puakphura an chhawr chuan an pawngsual \hin ni pawhin C Zama chuan a ziak.
Mizoram khawchhak lam, ramri hnaih khaw pakhatah chuan nula pangngai tak hi sipaiin an man a, camp-a ni eng emaw zat an pawngsual rawn avangin a khel a chhia a, tun thlengin a piansual phah ta niin he khuaa chengte chuan an sawi. Saithah leh Bunghmun khuaahte hian sipaiin an hmeichhe man an kaphlum a, an pawngsual ngei nia sawi a ni bawk.
India sipaiten MNF puia hmeichhia an puh leh mante an pawngsual rawn nasat avanga mipa chi siak chhuah ngai sawi tur a awm zauh zauh. Nula pakhat chutianga siak chhuah ngai khawpa an sawi chu hun rei tak chhung thubuai siam sak lovin camp hrang hrangah an kawl kual a, a thawm hre pha te chuan, "X-i chu a khawngaih thlak hle mai, an pawngsual nasa si a," tiin zan rehah a mangang \ap thawm an hriat fo thu an sawi.
"Rambuai lai chuan Aizawl nula pawh an hmel\ha ngai lo," tia university zirtirtu pakhat ti ti ka hrechhuak leh \hin. Mizoram nula chu pawngsual tawk lo pawh an rilru a ralmuang lo a, chu thlamuan lohna avang chuan an hmel pawh a \ha thei lo a, an chaw ei thlengin a tui tur angin a tui lo a, an vun pawh a nung thei lo nia ngaihdan a siam thu a sawi kha. "Tunah chuan kan hmeichhiate an hmel\hat tawh em hi," a ti a.
Mite hian engtin nge an ngaih ve ka hre lo a; kei chuan history-a indo leh inrun chanchin an sawi \hin kha ka hre chhuak leh \hin. Indo \um chuan hnehna chang zawk sipaite chuan nuam an chen \hin a nih kha. A chak lo lam chu an rawk a, ral lak sum atan an duh duh an lain pawisawi lo an sam chiam \hin. Chutiangah sawi awm ve ziah chu "rape" (pawngsual) hi a ni.
History-ah hian hmeichhiate chu hmaih an ni \hin an ti a. Hnehna niah an pawimawh a, hnehna channa turin mi pawimawh ber an ni fo a, a lawmna an ni a, chutiang bawkin a tlawm lamah chuan a tuar nasa ber an ni, an ti \hin. Chuti chung chuan hmeichhiate \angkaina leh tawrhna hian tu hriat sak an hlawh ngai lo te an ti bawk. Chuti chung chuan indo chanchin ziaknaah hian hmeichhe pawngsual a nasat thu chu sawi a ni ve ziah bawk si. India sipaite pawh Mizote lakah chutiang chuan an che ta ni berin ka hre \hin.
Buai laia khan India sorkar hriatpui rorelna hi Mizoram chuan a awm ve ngei mai. Mahse, pawngsual tawkte chhan turin tih theih an nei tlem \hin a ni. Ram hruaitu tam tak pawhin sipaite chu do leh sawisel phak lohah an ngai ni berin a lang. Ngam tak leh huaisen taka sawisel ngam awmchhunte erawh an \angkai hle. Mahse, chutah pawh pawngsual tawkte chhan chu ngaihpawimawh hlawh vak lote zinga mi a ni mai thei.
"Hlau reng reng suh u, khawih an tum che a nih chuan in sat mai dawn nia," tiin reserved thing kit tura hmeichhia an khalh hrante chu an inchah hial tihte an sawi fo mai. Khami ni khan nu pakhat chu a au deuh \hat a, mahse, engmah a thleng zui ta lem lo a ni awm e. Khatih hun lai thil thleng kha sawi nuam an ti hauh lo, hun kal tawha an nun lrh thil hriatreng theihna dek thil an tawn hrehawm tak sawi chhuah changa an ti tiin an sawi tel \hin a ni. Thawnthu sawi anga ngaihnawm taka min hrilh phei chu ka hre ngai lo. Mipa zawng zawng field-ah kal khawm vek tur an tih tawh chuan hmeichhe tan thlamuang taka awm chi a ni tawh lo reng reng.
"Bang vawm nan pawh hmang ila a bet thlawrh ang chu," tiin khatiang hun hre pha ve riai ruai pakhat chuan a sawi a; "A kal pawh a kal thei lo kha a ni a, a lo thi lo zawk ngawt mai," tia lo chhunzawm an awm bawk.
Khatiang ti ti ka hriat lai kha chuan naupang ka ni a, mahse, ka rap a ni ang. Hriatchhuah leh chang ka nei fo mai. Tunlai naupang chuan khatiang thil chu a thleng thei ang tih reng an ngaihtuah pha tawh awm si lo. Mipa leh hmeichhia an inkawpa inhmeh ka tihte, hmuh nawm ka tihte pawh ka ti ti hriat \hin hre pha tawh lo an ni a, kei pawhin a chipchiara sawi leh chuan tur chu ka hria pawh a ni tawh lo. Khatih lai khan ka hriatrengnaa thil lo lut bak hi chu eng nge a nih pawh ka ngaihtuah thiam hek lo. Tichuan, chanchin rapthlak tak takte leh tawrhna rapthlak tak takte chu tuman rilru natah pawh nei lovin an theihnghilh zui mai dawn chu a ni si a. Misualte khan Pathian malsawmna ropui tak an dawng ta bik em maw ni le? Thil sual ti lo awmin an awm veng veng a, an suahsualna tuartute lah chu anmahni a\anga chhuak ngeite pawhin an tawrhna chu an hrechang tawh lo a ni ta mai si.
Mizoram buai laia pawngsual thil finfiah harsa tak tak a ni chho \an a, a finfiahtu nih pawh thil chakawm a ni lo. Thil chiang leh tlang hriat pawh tu tan mah sawi chhuah leh hi thil chakawm a ni hek lo. Pawngsual hi finfiah leh emaw chhui chian leh a nih hian vanduaina lo tawkte hian vai pawngsual hnu tih bak hlawh tur an nei lo va, chu chu an thlahte tan pawh thil nuam a ni lo ang. Pawngsual erawh a tam khawp tih a chiang khawp mai.
'Chu khuaah pawh, khaw pakhatah pawh…' an ti a, pawngsual chanchin sawi a nih chuan sawi tur hre tak tak an tam hle \hin. Tak tak a nih rin harsa tak tak thlenga sawi tur hria pawh an awm fo.
Major Suala an ti mai a, MNF puiah puhin hmeichhia a sawisa \hin a, chutah an chau ta maw tih hian a letling zawngin a khai an kaah a tihsak ta \hin ni awm taka sawite pawh an awm.
"(Chu) khuaah pawh hmeichhe pangngai chin chu pakhat chauh ti loh chu an pawngsual vek ni awmin an sawi \hin. Mahse, khatiang kha tu tan mah sawi chhuah leh chi a ni tawh si lo a," tiin Mizoram buai lai chanchin chhuitu C Zama chuan a sawi a; hmeichhe pakhat chirh intatin a â der a, a him ni awma sawi a awm \hin thu a sawi.
Chu chu a tak tak pawh lo ni se a hun lai ngaihtuahin thil mak a ni lo. A rapthlak hle a ni ringawt. Khawtinah pawngsual sawi tur a awm ni berin a lang a, khawtinah pawngsual a thleng tia sawi hian thu kan uar deuh a nih pawhin grouping centre-tinah a thleng ti ila a sual lo ang.
A tirtê a\anga pawngsual a thlen nasat dan chu April 5, 1966-a Assam Assembly-in Mizoram buai chungchanga an sawihoah khan a chiang hle. Kha kha pawngsual a thleng ngei tih finfiahna tun dinhmuna kan neih theih \ha tak chu ni ta berin a lang bawk.
Assam assembly-ah khan, "Human rights kalha chet hleihluakna nasa zual chu hmeichhia, mahni in veng thei lo pawngsual nasa tak mai chu a ni. Naupang kum 14/15 pawh an zuah lo. Heng hi kan hriatin kan thin a \hawng a, zahthlak kan ti kher mai. Ka pu, heng pawngsual hi khawilaiah emaw a thleng zeuh zeuh a ni lo, khawi khawiah emaw a lo thleng zeuh zeuhte chu a chu hriatthiam theih chin a awm ang. Chhun pachang leh zanah pawh a khaw puma an tawn a ni tlat mai hi a va rapthlakin a va zahthlak ngai em!! An pasalte leh an chhungkhuaa mipate an la hrang a, chumi hlana silaia vau chunga an hmeichhiate anmahni in ngei maia an pawl lui \hin ta chiam mai chu thil thleng rapthlak ber leh hmeichhe tan phei chuan hlauhawm ber a ni. Deputy Commisioner hnenah han \hin mah se a ni pawh a "helpless" a, engmah a sawt lo a ni tih chu kan team hnenah hian an lo sawi nasa viau a ni," tiin Mizo mipuite dinhmun fiah tura Mizoram tlawhtu Assam MLA Stanley DD Nichols Roy chuan a sawi (Dr JV Hluna'n Zawlkhawpui Senmei Chan Ni tih lehkhabua a ziak lak chhawn a ni).
Hei hi rambuai tirhtê kha a ni a; a landan berah chuan MNF-in independence an puan khan India hian sipai a rawn tir nghal a, chung sipaite hmanlaia indonaa sipai chak zawk lam an chet \hin ang hian an che ta bawrh bawh mai a ni ber. India sipaite chu Mizoram an rawn thlen tirhte a\ang khan hmeichhia pawngsualin an che nghal bawrh bawrh a ni ber.
Vai fa hi Mizoram khawtinah hmuh tur a awm tih theih a ni a; mi \henkhat chuan hmeichhiate pawhin an zir lo, tiin sawi mam an tum leh pek mai thei. Dan mit a\anga thlir chuan hmeichhia an inzuar emaw sipai leh vai dang laka an lo inphalrai deuh a nih pawhin pawngsual a ni thei tho. Chu chu Indian Penal Code-a chuang a nih vang ni lovin justice innghahna pakhat chu 'reasonable reason' a ni a; India sipaite khan kawng engkimah Mizo mipuite security hi a tihchhiat theih zawng zawng an tihchhiat vek avangin hmeichhe tam tak chuan an hmeichhiatna an hum zo ta lo a, an hum thei bawk lo a ni. Hmeichhiate hian an nunna hial thap loa an hmeichhe nihna hum tura duhthlanna theihna an neih loh chuan an inpekna chu pawngsual tia thu keuhthluk nana thu tling leh awm a ni.
Nu \henkhat chuan an thing phurhnaah pawh pawisa an chhar nawlh chang a awmte an ti a; nu leh pa \henkhat chuan an chhungkua ngaihtuah avangin an pasalte hian vai pasalah nei mai an duh, tih a ni bawk. Pioneer nei nawlh nawlh pawh an awm a; \am a nasat avangin atta leh buhfaia mahni hmeichhe nihna thleng ta an awm tih pawh a sawi a ni.
Khati tak khan India sipaite hian mipui bei lovin, India sorkar hian Mizoram mipuite himna – economic leh thil dang hrim hrimah pawh hian ngaihsak chu ni se khang hmeichhiate khan khatiang thil kha an ti hauh lo ang. Mahse, ti lo thei lo dinhmunah a nawrchep zawk chu a ni si.
"Practically, India declared war," tih chu ka hriatthiam ve dan ber a ni. Mizo mipuite leh midang lakah chuan em ni indona chu a puan tih chu sawifiah dan mai ka hre lo. Ka ngaihtuahnaah erawh chu 'indo puan' chu a rawn lang leh \hin si. India khan Mizorambuai a beih lai khan India laka inlakhran tuma independence puangte man khawm a, buaina chinfel hi a tum bulpui ber a nih pawh ka ring chiah lo. Mizoramah chuan sipai a rawn thawn lut chiam a, an discipline pawh a thlah dul a, hmeichhe chungahte chuan an duh duhin sipai, mipa hlang awm khawm chu a tal tir vel ta ni chuan ka hria. A rapthlak lutuk. Mizo mipui zawi hnawk khawpin an chil ta a ni.
Sipaite chu Mizoram luhna kawngpui awmchhunah chuan an rawn lut ta \hup \hup mai a, an thlen chin apiang chu an rawk a, mipui an sawisa a, hmeichhia an pawngsual bawk. An thleng thui zel a, chu chu an chhunzawm zel a, hmuntinah hmeichhe pawngsual sawi tur a awm ta a, a \henah chuan mipate pawh an pawngsual nia sawi a ni.
Sipai tuin emaw hmeichhia a lo pawngsual a ni lo. An pawngsual rawn \hin. Mipa chi siak chhuah ngai sawi tur a awm nawk. Hmeichhe hlutna ber pakhat hmel\hatna chu him lohna chhinchhiahna a ni ta a; an duhzawng chu MNF puiah puhin an man a, an pawngsual \hin a ni.
Mi pawngsuala hrem turin India sorkar hriatpui eng rorelna mahin thutlukna a siam ngaiin a rinawm loh a, mahse, India sipaite chuan rinhlelhna ringawt chu pawngsual nan an hmang \hin thung.
Kawlkulh khuaah hian Captain Mhan Singh a awm \hin a, a bial chhung nula tam tak pawngsualin a ti chhia. A nula it zawngte chu camp-ah koin ama pindanah chair-ah \huttirin an kut chu chair vawn banah a \awn bet a, zu te tulhin a vau a, a dawp bawk a, an chhan \hat duh lohin kutthlak \hin. A duh tawka a dawp hnuah a pawngsual ta \hin a ni. Hetianga a tih thawm hi a pindan piah lawka awm sipai compounder C Darkunga pindan a\anga hriat phak a ni. He khuaa Gramsevaka awm mi huaisen leh fel tak Hrang Dailova'n ngam tak leh theihtawp chhuaha a beih hnuah eng tin tin emaw sawn chhuah leh sipai a\anga ban a ni chauh niin C Zama chuan Zoram a |ap tih lehkhabu, Mizoram buai laia sipaite chetna rapthlak tak tak a ziaknaah a tarlang. Mahse, hetianga sipai sual bei let ngam leh hrem an nih theih nana hma la thei hi an awm mang lo a, sipai sual hrem pawh midang chu an awm mang lo a ni.
A chang phei chuan an tisa chakna phuhruk chu khawtlang hruaitute mawhah an ngai ni awm tak a ni, "Hmeichhia a demand," tih \awngkam pawh a pian phah nghe nghe. Sipai hotu tuin emaw hmeichhia a demand a, tisa chakna hrikthlak nana a hmang chu thil rapthlak tawp zinga a mi a ni. Engmah tih theih nei lo hmeichhia dinhmun tur kha suangtuah sak ngam pawh a ni lo.
Pawngsual avanga Mizo mipuite hriathlawh em em chu Major Pritam Singh kha a ni. Ruallung khuaa awm India sipaite hotupa a ni a, a bial chhung khaw hrang hrangah a kal changin nula a demand \hin. MNA nena an inkah \uma a thih khan a diary an ensak a, a nula pawngsualte hming leh a pawngsual ni a lo ziak niin C Zama chuan a ziak.
Major Deswal an ti a, chu chu Ngopa khuaa awm India sipaite hotupa a ni. "Mi na tuar au leh hmel hi hmuhnawm ka ti ber a ni," a ti niin an sawi. A bial chhung khaw hrang hranga a nula hmel it zawngte chu a hlah lo a, a chang phei chuan khual khua a\angin nula a demand a, a hote chuan khawdanga nula awm chu an va man sak a, nulate chu \ap chungin an khaw lamah chuan an haw leh \hin niin C Zama chuan a ziak bawk. Sipaite hian hmeichhia puakphura an chhawr chuan an pawngsual \hin ni pawhin C Zama chuan a ziak.
Mizoram khawchhak lam, ramri hnaih khaw pakhatah chuan nula pangngai tak hi sipaiin an man a, camp-a ni eng emaw zat an pawngsual rawn avangin a khel a chhia a, tun thlengin a piansual phah ta niin he khuaa chengte chuan an sawi. Saithah leh Bunghmun khuaahte hian sipaiin an hmeichhe man an kaphlum a, an pawngsual ngei nia sawi a ni bawk.
India sipaiten MNF puia hmeichhia an puh leh mante an pawngsual rawn nasat avanga mipa chi siak chhuah ngai sawi tur a awm zauh zauh. Nula pakhat chutianga siak chhuah ngai khawpa an sawi chu hun rei tak chhung thubuai siam sak lovin camp hrang hrangah an kawl kual a, a thawm hre pha te chuan, "X-i chu a khawngaih thlak hle mai, an pawngsual nasa si a," tiin zan rehah a mangang \ap thawm an hriat fo thu an sawi.
"Rambuai lai chuan Aizawl nula pawh an hmel\ha ngai lo," tia university zirtirtu pakhat ti ti ka hrechhuak leh \hin. Mizoram nula chu pawngsual tawk lo pawh an rilru a ralmuang lo a, chu thlamuan lohna avang chuan an hmel pawh a \ha thei lo a, an chaw ei thlengin a tui tur angin a tui lo a, an vun pawh a nung thei lo nia ngaihdan a siam thu a sawi kha. "Tunah chuan kan hmeichhiate an hmel\hat tawh em hi," a ti a.
Mite hian engtin nge an ngaih ve ka hre lo a; kei chuan history-a indo leh inrun chanchin an sawi \hin kha ka hre chhuak leh \hin. Indo \um chuan hnehna chang zawk sipaite chuan nuam an chen \hin a nih kha. A chak lo lam chu an rawk a, ral lak sum atan an duh duh an lain pawisawi lo an sam chiam \hin. Chutiangah sawi awm ve ziah chu "rape" (pawngsual) hi a ni.
History-ah hian hmeichhiate chu hmaih an ni \hin an ti a. Hnehna niah an pawimawh a, hnehna channa turin mi pawimawh ber an ni fo a, a lawmna an ni a, chutiang bawkin a tlawm lamah chuan a tuar nasa ber an ni, an ti \hin. Chuti chung chuan hmeichhiate \angkaina leh tawrhna hian tu hriat sak an hlawh ngai lo te an ti bawk. Chuti chung chuan indo chanchin ziaknaah hian hmeichhe pawngsual a nasat thu chu sawi a ni ve ziah bawk si. India sipaite pawh Mizote lakah chutiang chuan an che ta ni berin ka hre \hin.
Buai laia khan India sorkar hriatpui rorelna hi Mizoram chuan a awm ve ngei mai. Mahse, pawngsual tawkte chhan turin tih theih an nei tlem \hin a ni. Ram hruaitu tam tak pawhin sipaite chu do leh sawisel phak lohah an ngai ni berin a lang. Ngam tak leh huaisen taka sawisel ngam awmchhunte erawh an \angkai hle. Mahse, chutah pawh pawngsual tawkte chhan chu ngaihpawimawh hlawh vak lote zinga mi a ni mai thei.
Tags
Mizo