Lalnuntawma Fanai
He thil pahnih hi Mizote zinga thu leh hla khawvela a chhip lera chuang phaka kan ngaih zingah pawh hrethiam hlei thei lo leh la man fuh thiam tawk lo kan la awm cheu mai. Mithiam fam changta Prof Siamkima chuan, “Literature inti hria leh hmanlai thil hre tak tak ten Literature nia an hriat chu mizo history te, hmanlai pipute nun leh nula leh tlangval inzailemna thu te chauh a lo ni fo” a lo ti a.
He thlirna hi a pawmawmin he kan thil sawi tur nen pawh hian a inhmeh hle mai.Literature nihna dik tak kan hriat dawn chuan patla lehlamah kan khai tur pakhat History nihna hi mawl leh tawi felte a sawi tel a tul awm e. History chuan hnam chanchin a zirin a chhui thin a, thudik a zawng thin. History ziaktu leh zirtu chuan ama thu a phuah belh ve ngawt a thiang lova, thudik (fact) a mamawh a, a chhunga thil awm chu her danglam a thiang hek lo. Hun, Ni leh Kum te hi History ah chuan a banpui pakhat a ni. Literature ve thungah chuan miin a suangtuahna hmangin khawvel thar a din thei a, chumi hmang chuan hringnung hi darthlalang atan miin a lo hman phah a, a nunah hlawkna a lo neih phah thin. He Literature lipuiah hian kawng pengthuam tam tak a awm a, chung zingah chuan heng Thu (Prose), Hla (Poetry) leh Lemchan (Drama) ah te an then tlangpui a. Heng hnuaiah hian kalphung chi hrang hrang zir tham fe a la awm a ni.
Engvangin nge miin History leh Literature hi a man fuh thiam theih loh tih hi lo thlir zau thuak thuak ta ila. Mizo thisen kai zinga hmeichhe rothap ber pakhat Ropuiliana chanchin chu Lalsangzuali Sailo chuan ziakin, “ Tlawm ve lo Lalnu Ropuiliani” a ti a, Prof Laltluangliana Khiangte chuan, “Lalnu Ropuiliani” tiin a ziak ve leh bawk a. He thil pakhat ziakah hian Lalsangzuali Sailo chuan Ropuiliani chanchin a ziahah chuan a chanchina thu tak leh dawt thu tel miah lo hmangin a ziak a. Hetih lai hian Dr Laltluangliana Khiangte ve thung chuan, “Lalnu Ropuiliani” tih a ziahah chuan Ropuiliani chanchin chu Mizo History a kan hmelhriat ngai miah loh thil thenkhat chhiartute leh ama tana suangtuahna kal veng veng thei turin a dah tel ta a, hei tak hi Historian thenkhat, Literature man thiam miah loten an helh leh a lema an lem theih miah loh chu a nita a ni. Literature-ah hian thudik (historical fact ) kan zawng thin a, miin historical play pawh ziak sela, thil theng indawt lo pui puiin a ziak thei a, mihring leh hmun hming pawh ama phuahchawp a hmang thei. Amaherawhchu, chu a thil ziak chuan a tak tak anna (reality) erawh a pai ve tlat a tul thung a, heng zawng zawng hi History ah chuan dan kalh, phuar theih tihna a ni thung a ni.
He nu ropui chanchin mi 2 in an ziah atang hian thil pahnih ka hmu a, chu chu Literature leh History kan awi lai hi a ni. Lalsangzuali Sailo ziak hi ‘History’ a ni a, Dr Laltluangliana Khiangte ‘Literature’ a ni thung tiin sawifiah ila a pawm thiam theih ber mai awm e. Tichuan, History ah kan tui a ni emaw, Mizo hnam hmangaihtu kan ni emaw a enga pawh chu lo ni sela Dr Laltluangliana Khiangte ziak atang hian History (Thu tak leh dik) zawn kan tum anih chuan kan lung a awi lo ang a, ‘history-ah hetiang hi a awm lo’ tiin awr phiar tawng tawngin kan tang dawn tihna a ni ang. Heti hian Literature leh History chu lo hrilhfiah chhunzawm dawn ta ila – Thingkung pakhat, thelret kung a awm a. Chu thingkung chu History kung a ni a, a ding reng tur a ni, eng suangtuahna leh hlimhlawp bawlna mahin a pawlhdal a thiang lo.
Amaherawhchu, chu thing atangin a hnai te, a pil te, a zar te chu kan zai thlain kan la thiang a, chumi hmang chuan kan duh duhin chu History kung hrulah chuan Literature kung hran kan din dawn ta tihna a ni. Tichuan, chu literature chu Chingal leh Saum hmangin kan bai pawlh vel ang a, a duh leh a tih thak nan hmachatensen thak tik tek kan rawt pawlh ang a, thuro hram leh sihal u rawng rawng thawmte chu kan duh leh kan khungkhawm ang, chu chu literature-ah chuan a thiang a ni. Chu Literature mit atanga thing kung hran kan din chu mihringin a chhiar ang a, a chhunga thu rorum lai deuhte chuan a chhiartu thinlung chu a ti paukhauh ang a, nungchang mawi piah lamah ram leh hnam hmangaihna thuk tak a nunah tuhin a awm ang a, a mittui a parawl phah hial anih phei chuan chu literature chu a va hlawhtling dawn em!! Chu chu alawm Literature hlutna chu ni le. History emaw tih tlat chi a ni lo.
Hengte avang hian alawm thu leh hla khawvela mi ropuite chunga thla khawng a, inzap ri phur phur thei tur khawpa kutchhuak zir tham leia mihringte min hnuchhiahtu William Shakespeare-a’n, “Literature chu hringnun darthlalang a ni” tia hman hmanah a lo hrilhfiah reng ni. Fiah zo tak ang maw.
Engvangin nge miin History leh Literature hi a man fuh thiam theih loh tih hi lo thlir zau thuak thuak ta ila. Mizo thisen kai zinga hmeichhe rothap ber pakhat Ropuiliana chanchin chu Lalsangzuali Sailo chuan ziakin, “ Tlawm ve lo Lalnu Ropuiliani” a ti a, Prof Laltluangliana Khiangte chuan, “Lalnu Ropuiliani” tiin a ziak ve leh bawk a. He thil pakhat ziakah hian Lalsangzuali Sailo chuan Ropuiliani chanchin a ziahah chuan a chanchina thu tak leh dawt thu tel miah lo hmangin a ziak a. Hetih lai hian Dr Laltluangliana Khiangte ve thung chuan, “Lalnu Ropuiliani” tih a ziahah chuan Ropuiliani chanchin chu Mizo History a kan hmelhriat ngai miah loh thil thenkhat chhiartute leh ama tana suangtuahna kal veng veng thei turin a dah tel ta a, hei tak hi Historian thenkhat, Literature man thiam miah loten an helh leh a lema an lem theih miah loh chu a nita a ni. Literature-ah hian thudik (historical fact ) kan zawng thin a, miin historical play pawh ziak sela, thil theng indawt lo pui puiin a ziak thei a, mihring leh hmun hming pawh ama phuahchawp a hmang thei. Amaherawhchu, chu a thil ziak chuan a tak tak anna (reality) erawh a pai ve tlat a tul thung a, heng zawng zawng hi History ah chuan dan kalh, phuar theih tihna a ni thung a ni.
He nu ropui chanchin mi 2 in an ziah atang hian thil pahnih ka hmu a, chu chu Literature leh History kan awi lai hi a ni. Lalsangzuali Sailo ziak hi ‘History’ a ni a, Dr Laltluangliana Khiangte ‘Literature’ a ni thung tiin sawifiah ila a pawm thiam theih ber mai awm e. Tichuan, History ah kan tui a ni emaw, Mizo hnam hmangaihtu kan ni emaw a enga pawh chu lo ni sela Dr Laltluangliana Khiangte ziak atang hian History (Thu tak leh dik) zawn kan tum anih chuan kan lung a awi lo ang a, ‘history-ah hetiang hi a awm lo’ tiin awr phiar tawng tawngin kan tang dawn tihna a ni ang. Heti hian Literature leh History chu lo hrilhfiah chhunzawm dawn ta ila – Thingkung pakhat, thelret kung a awm a. Chu thingkung chu History kung a ni a, a ding reng tur a ni, eng suangtuahna leh hlimhlawp bawlna mahin a pawlhdal a thiang lo.
Amaherawhchu, chu thing atangin a hnai te, a pil te, a zar te chu kan zai thlain kan la thiang a, chumi hmang chuan kan duh duhin chu History kung hrulah chuan Literature kung hran kan din dawn ta tihna a ni. Tichuan, chu literature chu Chingal leh Saum hmangin kan bai pawlh vel ang a, a duh leh a tih thak nan hmachatensen thak tik tek kan rawt pawlh ang a, thuro hram leh sihal u rawng rawng thawmte chu kan duh leh kan khungkhawm ang, chu chu literature-ah chuan a thiang a ni. Chu Literature mit atanga thing kung hran kan din chu mihringin a chhiar ang a, a chhunga thu rorum lai deuhte chuan a chhiartu thinlung chu a ti paukhauh ang a, nungchang mawi piah lamah ram leh hnam hmangaihna thuk tak a nunah tuhin a awm ang a, a mittui a parawl phah hial anih phei chuan chu literature chu a va hlawhtling dawn em!! Chu chu alawm Literature hlutna chu ni le. History emaw tih tlat chi a ni lo.
Hengte avang hian alawm thu leh hla khawvela mi ropuite chunga thla khawng a, inzap ri phur phur thei tur khawpa kutchhuak zir tham leia mihringte min hnuchhiahtu William Shakespeare-a’n, “Literature chu hringnun darthlalang a ni” tia hman hmanah a lo hrilhfiah reng ni. Fiah zo tak ang maw.
Tags
Mizo