IAS nih tumte tan: A then a zar
Dr J. T. Vanlalngheta
He
thupui hmang hian tam tak ziah tur a awm thei ang. Mahse hmun leh hun ren
vangin a tawi thei ang bera ziah ka tum ang.
A
nihna takah chuan I.A.S. exam ni lovin UPSC Civil Services Examination a ni zawk
a. He exam-a a ti tha ber berten I.A.S. hi an thlan tlangpui avangin I.A.S.
exam ti-a hriat leh Coaching pawh I.A.S. Coaching/Academy, etc. ti-a hriat a ni
ta thin a ni.
UPSC
hian kum tin he exam-Civil Services Examination hi a buatsaih thin a. He axam
hi chhawng thum ni mah se, chhawng hnih anga sawi hi a nih phung zawk a ni –
Preliminary Exam leh Main (Written leh Interview) Exam a ni. Prelims hi
objective type, multiple choice hmang a nih laiin Mains erawh hi chu sawi tawh
angin ziak meuhva chhan chi conventional essay type a ni tihah hian duh tawk
rih ila.
Mizoramah
hian kan sawi dan lar ber chu ‘Central Service’ tih hi a ni thin. All India
Service leh Central Service hi a dang tih hria ila. All India Services chu
I.A.S., I.P.S (Indian Police Service) leh I.F.S (Indian Forest Service) a ni
bik a. A hmasa pahnih phei hi chu constitution awm tirh phat a dah tel a ni a.
A Saptawng takin ‘Constitutional Status’ nei a ni. A pahnih – All India
services leh Central Services hi UPSC Central Service exam hnuaia exam theihte
chu an ni.
Kum
2000-ah khan Group ‘A’ Central Services 34 a awmin, Group B Central Services a
awm bawk. Central Services Group ‘A’ thenkhatte chu:-
1.
Indian Postal Service.
2.
Indian Audit and
Accounts Service.
3.
Indian P&T Accounts
& Finance Service.
4.
Indian Defence Accounts
Service.
5.
Indian Revenue Service.
6.
Indian Civil Accounts
Service.
7.
Indian Railway Traffic
Service.
8.
Indian Information
Service leh a dangte.
Kan
hriat leh tur chu I.A.S., I.P.S (Police) leh I.F.S. (Indian Foreign Service) te
hi Group ‘A’ a ni lo va, Group an pe lo a ni. Mak deuh mai chu All India Services
zingah chiah India Forest Service hi UPSC Civil Service exam huang chhungah a
awm lo va, a technical deuh vang a ni. Hei hi a hranpa ngat a UPSC-in exam a buatsaih
a ni. Amaherawh chu kum 2013 atang khan Civil Service Prelim exam nen an
kawptir(combined) a. Mahse Prelim exam an tlin chuan Main exam chu a hranpain
an exam leh thung a. Exam hun hi a dang ve zeuh zeuh a. Hriat theih chinah -
Prelim
– August
Main
– December
Interview
– April/May. Final result chu May thlaah bawk an chhuah leh thin.
Exam
theite:-
1.
India khua leh tui,
Govt. of India-in a pawm graduate kum 21 – 32 inkar. OBC tan kum 35 leh SC/ST
tan kum 37 thleng. SC tan chuan kum 37 pelh hma chu duh zat zat a exam theih a
ni.
Preliminary
Examination
Kum
2011 atang khan Prelim exam pawh chu Civil Service Aptitude Test (CSAT) ti-a
hriat lar a lo ni ta. A hmaa optional subject awm thin chu paih a ni ta a.
General Studies Paper – I&II tih a lo ni ta. Mark 200 ve ve puin darkar 2
chhunga chhan zawh hman tura tih a ni. (It focuses on analytical abilities and
understanding rather than the ability to memorise).
Paper
I – Current events, history of India and Indian national movement, Indian and
World Geography, Indian Policy and governance, Economic and social development,
environmental ecology, biodiversity, climate change and general science. Heta
tling thei tur chuan a tlem berah mark 30 hmuh a ngai.
Paper
II – Candidate’s skills in comprehension, interpersonal skills, communication,
logical reasoning, analytical ability, decision making, problem solving, basic
numeracy, data interpretation, English language comprehension skills and mental
ability. Tling tur chuan a tlem berah mark 70 hmuh a ngai.
Amaherawh
chu, he exam-a tlingte hi written exam thei tura buatsaihna chauh an ni a. Heta
mark hmuh hi a pumpuia mark hmuh zatah belh/telh a ni ve lo tih hre tel ila.
Mains Examination
Sawi
tawh angin Mains chuan written leh Interview (Personality test) a kawp a.
Paper
|
Subject
|
Marks
|
Paper
A
|
(One
of the Indian Languages to be selected by the candidate from the Languages
included in the Eight Schedule to the Constitution)
|
300
|
Paper
B
|
English
(Qualifying)
|
300
|
Paper
I
|
Essay
|
250
|
Paper
II
|
General
Studies I (Indian Heritage and Culture, History and Geography of the World
and Society)
|
250
|
Paper
III
|
General
Studies II (governance, Constitution, Polity, Social Justice and
International relations)
|
250
|
Paper
IV
|
General
Studies III (Technology, Economic Development, Bio-diversity, Environment,
Security and Disaster Management)
|
250
|
Paper
V
|
General
Studies IV (Ethics, Integrity and Aptitude)
|
250
|
Paper
VI
VII
|
Any
one subject (having 2 papers) to be selected from the prescribed optional
subjects (250 marks for each paper)
|
500
|
Sub Total
(Written Test)
|
1750
|
|
Personality
Test (Interview)
|
275
|
|
Total Marks
|
2025
|
Paper
A leh B hi written bei thei tur hriat/thlan nan tih (qualifying) chauh a ni.
Optional Subject
Optional subject hi 25
a awm a. Scheme/pattern hmasa ang lo takin optional paper hi pakhat chauh (paper
pahnih nei) thlan tur a ni a, hengte hi an ni:-
(i). Agriculture (ii).
Animal Husbantry and Veterinary Science (iii). Anthropology (iv). Botany (v).
Chemistry (vi). Civil Engineering (vii). Commerce and Accountancy (viii).
Economics (ix). Electrical Engineering (x). Geography (xi). Geology (xii).
History (xiii). Law (xiv). Management (xv). Mathematics (xvi). Mechanical
Engineering (xvii). Medical Science (xviii). Philosophy (xix). Physics (xx).
Political Science and International Relations (xxi). Psychology (xxii) Public
Administration (xxiii) Sociology (xxiv) Statistics (xxv) Zoology (xxvi)
Literature (of one of the following languages: Assamese, Bengali, Bodo, Dogri,
Gujarati, Hindi, Kannada, Kashmiri, Konkani, Maithili, Malayalam, manipuri,
marathi, Nepali, Oriya, Punjabi, Sanskrit, Sindhi, Tamil, Telegu, Urdu and
English).
Optional
paper hi graduate level anga sawi thin ni mah se, a tak takah chuan graduate
level aia thuk zawk a ni a, chitianga ngaia inbuatsaih tur chu a ni. Tin, he
exama tling tur chuan a lo berah kum khat inbuatsaih a ngai tih hi hria ila.
Tlin tumin han inbuatsaih tak tak la, hun i mamawh tam zia i hre mai ang.
English (qualifying) pawh hi matric levela ngaih ni mah se, ngaih thah loh a
tha. He papera i tlin loh chuan subject dang kha exam tluan thak mah la, i
paper dangho chu an en lo tawp mai ang.
Interview:
Kan hriat tlangpui angin, interview hi tan bik nei lo mi thiam awm khawmna
(board)-in a neihpui thin. Candidate thluak (mental calibre) that leh that loh/rilru
kalphung hriat tumna tiin sawi ta ila a ni mai awm e. A hnathawh tur (Public
Service)-in a mamawh tur ang kha a neih leh neih loh, a neih that leh that loh
te hriat tum a ni. Tin, mi dang te nena inlaichinna lam te, thil thleng thar (current
affairs) lama hriat dan te zawh a ni bawk. Tin, leadership leh thil thlir dan
(balance of judgement) a neih leh neih loh te, mahni chanchin, state leh ram
pawn leh India ram pawn chanchin, thil hmuh chhuah thar (new discover) hriat te
a pawimawh bawk. Candidate thil hriat thuk lam finfiah chu a tum a ni vak lo, a
chhan chu a heti lam hi written exam-ah fiah a nih tawh vang a ni. A tawi
zawnga sawi chuan awmze nei taka inbiakna (purposive conversation) lam hawia khalh
a ni ber.
Dan
naranin kum tin he hna ruak zat hi a danglam thin a. Hna ruak zat let 11/12 vel
hi Prelim exam atang in written exam thei tura thlan an ni. Tin, written exam
atang hian hna ruak zat let 2 chu interview tura thlan an ni leh thin. Policy
awm lai angin SC/ST/OBC tan hna hauhsak bik (reserved) a ni bawk.
Kum
2014 – 2015-ah nuai 9.45-in Prelim exam dilna an theh lut a. Hemi zinga nuai
4.51-in exam an bei a. Heta tang hian mi 16,933 chu an tling a. Tling zat
atanga 16,286-in Mains exam an bei leh a, 3,308 an tling a. Hemi zat bawk hian
interview hmachhawnin, interview zat atang hian 1,236-te chu hna pek an ni ta a
ni.
UPSC
Civil Service exam tumte chuan hna an thawk hma/an inbuatsaih hma tur a ni.
Degree result la nei lo, result nghak lai te, MBBS te tan pawh internship tih
lai pawhin Prelim hi exam ni se. A hun (Prelim exam zawh) a theh luh tur degree
certificate a awm phawt chuan Prelim exam hi phalsak an ni si a. Chubakah
scheme thar a nih avangin General Studies leh Optional Paper-te pawh
syllabus/topic thar a tam avangin I.A.S., etc. exam tui tam ber te chuan helama
tawn hriat nei tam bik lovin he exam hi beih an tum a. Ni dangah pawh a hun zel
tho rualin tun hi a beih hun lai tak chu a ni lehzual. Mizo nula leh tlangvalte
pawh, tun hma a mipui tam lama chhuta tling tam thina hriat hlawh kan nih kha
hrerengin in bei leh tak tak ang u khai. Ram leh hnam humhalhna chi khat a nih
bawk avangin Mizo thalaite All India Service leh Central Service-a kan tlin tam
theih nan duhsakna ka hlan e.