Khaw entawn tlak Khuangleng
Lalrochhara Chhakchhuak
Kamkeuna : Chengkawl zuarin 'Mar chengkawl' an ti vek a, Kurtai zuar ten Lungleng Kurtai ngat an ti zel angin, Aizawl Bazar a ni emaw khawiah pawh, Mizoram chhungah chuan Vaihlo zuar reng rengin ‘Khuangleng vaihlo' an ti ta vek mai. Khuangleng thalai taimak rah chhuakin a hrin a ni. Khuangleng chu Mizo lal Vaihleia lalna khua Khuangleng hi kumin 2018 hian kum 131-a upa niin kum 2012 khan an khaw kum 125-na an lo lawm tawh a, Champhai District, East Tuipui bial chhung, Khawbung R.D Block-a awm niin In 400 bawr vel an ni a. Mihring 1600 (Mipa 846 leh hmeichhia 840) awmin, ziak leh chhiar thiam kum 6 chin chung lamah 97.55% an awm. A khaw mi nawlpui eizawnna chu Thingtlang lo neih a ni.
Infiamna lamah pawh an hmingtha in, khaw duai lo tak an ni. Mizoram football story-a hriat reng tawh tur, kum 2015-a Santosh Trophya Mizoram Champion puitu Captain Zico Zoremsanga, tuna Airforce lama lut ta te, LPS Pro-fight hmasa bera Mizo mipuite tan rawn hlawh tak Ramfangzauva te, football player hriat hlawh tak ni thin, tuna MPL club enkawltu zinga mi Zara te pawh hi Khuangleng chhuak a ni.
Khuangleng-ah hian zirna in High school thleng awmin tun hnaiah zirna lamah pawh an thang duang hle. Tin, ran vulh lamah pawh an intodelh viau. Bawng, Vawk leh Sial vulh lamah pawh khaw entawn tlak tak an ni. Khawvel hmun tam takah hian Sial vulh hi an lo awm vak miah lo mai a, India ramah hian Meghalaya leh Mizoram hian kan vulh a, Mizoram ah pawh Siaha leh Champhai District-ah an vulh nasa. Champhai District-a awm Khuangleng khuaah pawh hian NLUP atanga an in din chhoh rah chhuakin Sial vulh lamah hma an sawn a, a bika enkawlna pawh dawng hial an ni.
Khuangleng an harh
Harh satliah a awm, awmze awm lo, ninawm lam hawi, tawngpawng thawven vanga harh hi a awm. Kan tawng an huatthu suh ah, Khuangleng khuaah hian mi taima tak tak chu awm bawk mahse a khaw nawlpui anga chhutin, kan hriat phak ve chinah khaw taima tak tia sawi a ni ngai lem lo. Kum 10 kal ta vel atang khan Khuanglenga pem lut mi thenkhat taima tak tak te dinhmun chu a ziaawmin an kang chho zawt zawt mai a, in leh lo, zirna thlengin hma an sawn phah nasa hle, chu chu an taimak vang, hna rim taka an thawh rah chhuak a ni.
Chu chu a mi nghet te chuan ‘thik’ a, ‘er’ lovin an entawn a. Entawn tur dik chu rilru dik pu in an entawn a, nasa takin hna an thawk a, khuaa thalai hmuh tur awm lo khawpin ram lamah hna an thawk ta a, an thawh rah, an taimak rah, rilru dik an put rah sengin an dinhmun chu nasa takin chawisan a ni chho ta zawt zawt bawk.
An thawhah an hlim a, thawhrim chu chawlhna, hlimna, lawmna a ni tih a ni telin an hmu chiang tawlh tawlh a, a thawk tam leh nasa a piang an hlim a, khawchhung boruak pawh tunhma zawng aiin a nuam zawk niin an sawi. Khuangleng khua in kum khat chhungin Vaihlo leh Sawhthing vel atanga an thar chhuah hi a tangka fai chuan nuai 100 chuang a ni ta ziah.
Sawhthing vs Vaihlo
Kan tunlai khawvel enin sum lakluhna atana Vaihlo chin kher chu tih zawhna a awm thei. Khawchhak lam, Tuipuiral-ah hian Sawhthing pawh a tha, Zikhlum, Alu, Purunsen leh Sawhthing pawh a tha lutuk. Samthang pawhin nikum khan buaipui luai luai tham an thar a, sum tam tak an thawk chhuak. Vaihlo lo deuh chin hi ram leh hnam tan pawh a hlu a, a hrisel bawk. Mahse theihtawpa an chin heng, Sawhthing leh a dang te hi a hlawkna tel hun dikah mumal taka hralhna a awm thin loh avangin, hah taka kumpui ling-let teh meuh an thawh chu awmze awm lo, vut laka vawih ang deuh a ni leh mai thin. Chuvang chuan englai pawha hralhna mangan pui ngai lo Vaihlo chin hi an tan, an fate hmalam huna in hmakhawsuihna atan a tul rih tlat. Vaihlo hmun nei zau deuh te chuan tin li leh tin nga hmun te an nei.
Ram changkang zelin a ken, zuk leh hmuam tih loh, ei leh in thianghlim, in satute pawhin Architect, Engineer design khera chen tul tihna leh, Fur ruah Tui tam laia Septic tank sah hisap a khur siam an hnualsual mek hnu hian, Vaihlo pawhin do a hlawh nasa viau. Khawlai leh puipunna hmuna zuk leh hmuam tih phei chu thil zahthlak a ni ta.
Hetih lai hian thingtlang miten hmasawnna rahbi an rah a, dinhmun pangngaia an din a, an faten zirna tha zawk an zawm theihna tura an sum tuakna tha ber chu Vaihlo chin hi a ni mek thung.
Vaihlo hi tunah phei chuan a Tui lo pawh Kg khat Rs. 300 -400 te a ni a, a tui pangngai phei chu Rs. 700 te a ni. Tin hnih thum hmun nei, Vaihlo 'lawng' lo leh tha pangngaiah chuan Quintal 5 atanga 10 te an thar thei a. An in leh lo, an hmathlir pawh kum hnih thum kal ta vel lek ngaihtuah pawhin in san hleih tak a ni.
Mizo Thalaite mamawh rilru dik
Khaw taima, hnathawh lama harhna chang te, thingtlang khaw fai bawk si ten ram hmasawn zelah mite hriat leh ngaihven an hlawh chho mek a, sawrkar pawhin hetiang khuate duhsakna lantirin an tan remruatna nasa zawk a siam chho zel bawk. Hei hi thil lawmawm tak a ni.
Tunah chuan Khuangleng khua hi an taimak leh huaisenna, an rilru dik putna zar zovin an khaw nu leh pa, an thalai ti ti te, an hawiher pawh kum dang zawng aiin a sang a. An tan chuan hmalam hun thlir a nuam ta ngawt mai. Kumin ah pawh an khaw ram chu Vah-chapin a pharh leh diai duai tawh a, ram hnathawh hunah Khuanglengah han zin mah la, Thalai in awm hmuh tur awm lo khawpin ram lamah hnathawkin an riak bo leh vek ang. Hei hi a ni Mizoram, Mizo hnamin kan mamawh thalaite khawvel tur chu!
Infiamna lamah pawh an hmingtha in, khaw duai lo tak an ni. Mizoram football story-a hriat reng tawh tur, kum 2015-a Santosh Trophya Mizoram Champion puitu Captain Zico Zoremsanga, tuna Airforce lama lut ta te, LPS Pro-fight hmasa bera Mizo mipuite tan rawn hlawh tak Ramfangzauva te, football player hriat hlawh tak ni thin, tuna MPL club enkawltu zinga mi Zara te pawh hi Khuangleng chhuak a ni.
Khuangleng-ah hian zirna in High school thleng awmin tun hnaiah zirna lamah pawh an thang duang hle. Tin, ran vulh lamah pawh an intodelh viau. Bawng, Vawk leh Sial vulh lamah pawh khaw entawn tlak tak an ni. Khawvel hmun tam takah hian Sial vulh hi an lo awm vak miah lo mai a, India ramah hian Meghalaya leh Mizoram hian kan vulh a, Mizoram ah pawh Siaha leh Champhai District-ah an vulh nasa. Champhai District-a awm Khuangleng khuaah pawh hian NLUP atanga an in din chhoh rah chhuakin Sial vulh lamah hma an sawn a, a bika enkawlna pawh dawng hial an ni.
Khuangleng an harh
Harh satliah a awm, awmze awm lo, ninawm lam hawi, tawngpawng thawven vanga harh hi a awm. Kan tawng an huatthu suh ah, Khuangleng khuaah hian mi taima tak tak chu awm bawk mahse a khaw nawlpui anga chhutin, kan hriat phak ve chinah khaw taima tak tia sawi a ni ngai lem lo. Kum 10 kal ta vel atang khan Khuanglenga pem lut mi thenkhat taima tak tak te dinhmun chu a ziaawmin an kang chho zawt zawt mai a, in leh lo, zirna thlengin hma an sawn phah nasa hle, chu chu an taimak vang, hna rim taka an thawh rah chhuak a ni.
Chu chu a mi nghet te chuan ‘thik’ a, ‘er’ lovin an entawn a. Entawn tur dik chu rilru dik pu in an entawn a, nasa takin hna an thawk a, khuaa thalai hmuh tur awm lo khawpin ram lamah hna an thawk ta a, an thawh rah, an taimak rah, rilru dik an put rah sengin an dinhmun chu nasa takin chawisan a ni chho ta zawt zawt bawk.
An thawhah an hlim a, thawhrim chu chawlhna, hlimna, lawmna a ni tih a ni telin an hmu chiang tawlh tawlh a, a thawk tam leh nasa a piang an hlim a, khawchhung boruak pawh tunhma zawng aiin a nuam zawk niin an sawi. Khuangleng khua in kum khat chhungin Vaihlo leh Sawhthing vel atanga an thar chhuah hi a tangka fai chuan nuai 100 chuang a ni ta ziah.
Sawhthing vs Vaihlo
Kan tunlai khawvel enin sum lakluhna atana Vaihlo chin kher chu tih zawhna a awm thei. Khawchhak lam, Tuipuiral-ah hian Sawhthing pawh a tha, Zikhlum, Alu, Purunsen leh Sawhthing pawh a tha lutuk. Samthang pawhin nikum khan buaipui luai luai tham an thar a, sum tam tak an thawk chhuak. Vaihlo lo deuh chin hi ram leh hnam tan pawh a hlu a, a hrisel bawk. Mahse theihtawpa an chin heng, Sawhthing leh a dang te hi a hlawkna tel hun dikah mumal taka hralhna a awm thin loh avangin, hah taka kumpui ling-let teh meuh an thawh chu awmze awm lo, vut laka vawih ang deuh a ni leh mai thin. Chuvang chuan englai pawha hralhna mangan pui ngai lo Vaihlo chin hi an tan, an fate hmalam huna in hmakhawsuihna atan a tul rih tlat. Vaihlo hmun nei zau deuh te chuan tin li leh tin nga hmun te an nei.
Ram changkang zelin a ken, zuk leh hmuam tih loh, ei leh in thianghlim, in satute pawhin Architect, Engineer design khera chen tul tihna leh, Fur ruah Tui tam laia Septic tank sah hisap a khur siam an hnualsual mek hnu hian, Vaihlo pawhin do a hlawh nasa viau. Khawlai leh puipunna hmuna zuk leh hmuam tih phei chu thil zahthlak a ni ta.
Hetih lai hian thingtlang miten hmasawnna rahbi an rah a, dinhmun pangngaia an din a, an faten zirna tha zawk an zawm theihna tura an sum tuakna tha ber chu Vaihlo chin hi a ni mek thung.
Vaihlo hi tunah phei chuan a Tui lo pawh Kg khat Rs. 300 -400 te a ni a, a tui pangngai phei chu Rs. 700 te a ni. Tin hnih thum hmun nei, Vaihlo 'lawng' lo leh tha pangngaiah chuan Quintal 5 atanga 10 te an thar thei a. An in leh lo, an hmathlir pawh kum hnih thum kal ta vel lek ngaihtuah pawhin in san hleih tak a ni.
Mizo Thalaite mamawh rilru dik
Khaw taima, hnathawh lama harhna chang te, thingtlang khaw fai bawk si ten ram hmasawn zelah mite hriat leh ngaihven an hlawh chho mek a, sawrkar pawhin hetiang khuate duhsakna lantirin an tan remruatna nasa zawk a siam chho zel bawk. Hei hi thil lawmawm tak a ni.
Tunah chuan Khuangleng khua hi an taimak leh huaisenna, an rilru dik putna zar zovin an khaw nu leh pa, an thalai ti ti te, an hawiher pawh kum dang zawng aiin a sang a. An tan chuan hmalam hun thlir a nuam ta ngawt mai. Kumin ah pawh an khaw ram chu Vah-chapin a pharh leh diai duai tawh a, ram hnathawh hunah Khuanglengah han zin mah la, Thalai in awm hmuh tur awm lo khawpin ram lamah hnathawkin an riak bo leh vek ang. Hei hi a ni Mizoram, Mizo hnamin kan mamawh thalaite khawvel tur chu!
No comments:
Post a Comment